لاچن۔29مئی (اے پی پی): مزن وزیر محمد شہباز شریف ءَ آذربائیجان ءِ سئے روچی تر ءُ تاب ءِ سرجم کنگ ءَ پد پنچ شمبے ءِ روچ ءَ تاجکستان ءِ بنجاھی شہر دوشنبے ءَ شتگ۔ مزن وزیر ءَ را آذربائیجان ءِ نائب وزیر ءِ درئی ایلنور مامیدوف ، آذربائیجان ءَ پاکستان ءِ سفیر قاسم محی الدین ءُ اے دگہ سفارتی کارندہ آنی نیمگ ءَ لاچین ءِ بانو میاں اوستمانی بالی پٹ ءَ یلہ داتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آذربائیجان ءِ تر ءُ تاب ءِ ساھت ءَ آذربائیجان ءِ صدر الہام علیف ءَ گوں دو نیمگی گند ءُ نند کتگ۔ آئی ءَ پاکستان ۔ ترکیہ۔ آذربائیجان ءَ سئے باسکی سمٹ ءَ بھر زوری کت ءُ آ آزربائیجان ءِ یوم ءِ آجوئی ءِ مراگش ءَ بھر زوری ھم کنت۔ مزن وزیر دوشنبے ءَ گلیشیر آنی رکھینگ ءِ ھوالگ ءَ میاں اوستمانی کانفرنس ءَ بھر زوری کنت۔
