اسلام آباد۔29مئی (اے پی پی): مزن وزیر محمد شہباز شریف ءَ تکبیر ءِ سیمی روچ ءَ ترکی ءِ صدر رجب طیب اردوان ءُ آذربائیجان ءِ صدر الہام علیوف ءِ گوما وتی ھوار بوھگ ءِ بیان کنان ءَ گوشت کہ مئے براتیں ملک آذربائیجان وتی آجوئی ءِ روچ ءَ برجم دارگ ءَ اِنت وھدے کہ پاکستان ءَ وتی آجوئی ءِ روچ برجم دارگ ءَ اِنت۔ مزن وزیر ءَ سوشل نیٹ ورکنگ ویب سائٹ ایکس ءِ سر ءَ وتی کلوہ ءِ تہ ءَ ترکی ءُ آذربائیجان ءِ صدر آنی گوما وتی اکس ءِ شیئر کنان ءَ گوشت کہ سئیں ملک آنی سروکیں دیوان ءِ موہ ءَ یک دومی ءِ گوما براتی سیادی ءُ دمگی امن ءُ کمک، وشھالی ءِ دیمروئی ءِ واستہ یکجائی ءَ اوشتگ ءُ یکجائی ءَ کار کنگ ءِ جزم ءِ درشان اِنت۔ مزن وزیر ءَ گوشت کہ ما سئے راج آں بلے مئے دل یک اَنت۔
