پاکستان ، آذربائیجان و ترکیہ مسہ ملک ولے ننا است اسٹ ءِ، وزیراعظم شہباز شریف

اسلام آباد۔ 29 مئی (اے پی پی) وزیراعظم محمد شہباز شریف یوم تکبیر نا تاریخی دے آ ترکیہ نا صدر رجب طیب اردوان و آذربائیجان نا صدر الہام علیوف تون لاچن اٹی تینا ساڑی گری ءِ تینکن قابل اعزاز گوندسا پارینے کہ ننا ایلم ملک آذربائیجان تینا یوم آجوئی وخت اس کہ پاکستان یوم تکبیر ءِ اڈتننگ ءِ۔ وزیراعظم راجی رابطہ نا ویب سائٹ ایکس آ تینا کلہو اٹی ترکیہ و آذربائیجان نا صدر آتون تینا عکس ءِ شیئرکرسا پارے کہ ہرمسٹ آملک آتا سرکڑدہ غاتا نیام اٹ اوڑدہی اسہ ایلو تون اوفتا ایلمی تعلقداری و مدام اسہ ایلو تون سلنگ و علاقائی امن، شونہالی و کمکاری نا مون آ دننگ کن اواری اٹ کاریم کننگ نا عزم انا عکاسی ءِ کیک۔ وزیراعظم پارے کہ نن مسہ قوم اُن ولے ننا است اسٹ ءِ۔