اسلام آباد۔ 18 اکتوبر (اے پی پی) مزن وزیر محمد نوازشریف ئَ گوشتگ کہ کنٹینر ئِ سر ئَ اوشتگ ئُُ دپ ئِ پچ لگوشگ ئَ اُلس ئِ اِزمت گندگ نہ بیت اُلس نوں دیم پہ دیمروئی ئِ نیمگ ئَ روگ ئَ اِنت، پاکستان ئَ رااسلئیں رنگ ئَ مٹ کنگ ئَ آں اے گپ ئَ سرجمیں دُگنیا منگئَ اِنت کہ پاکستان مٹ بوھگ ئَ اِنت۔ پیسر ئِ وھد ئَ ھم انچیں ڈُھل جنوک ئِ اتکگ مارا چہ کس ئَ نہ تُرس اِیت، کنٹینر ئِ سر ئَ اوشتگ ئُُ دِگر ئَ نازینوک آں چہ ھُدا ئَ نہ تُرس ایت۔ دگر ئَ بے نگیں زاھ ئُُ بد کن آں۔ من بے پائیدگیں گپ ئُُ گال آنی پسو ئَ دیگ نہ لوٹاں۔ اُلس ئِ توامیں جیڈھ آں گیوار مکن آں سکون ئَ نہ نندآں۔ سرجمیں ملک ئَ موٹروے دگ ئُُ ھائی وے دگ جوڑ بوھگ ئَ اَنت۔ گران بہائی ئُُ توان ئِ نیاد جھل آیان اَنت۔ 2018ئَ تاں توان ئِ کمیگ سرجمی ئَ پورا بیت۔ پاکستان ئِ در ملکی زرکاری ئِ امبار 24ارب ڈالر ئَ تا ں سر بوتگ اَنت، سلئیں آپ ئِ پُجاری، جان سلامتی ئَ ھوار سیوریج ئِ منصوبگ آنی ھاترا 100ارب کلدار ھرچ کنگ ئَ آں۔4 لکھ ورنا آناں لیپ ٹاپ دیگ بیت، سئے شمبے ئَ مسلم لیگ (ن) ئِ نوک گچین بوتگیں صدر ئِ بستار ئَ برجم داشتگیں دیوان ئَ گوں تران کنان ئَ آئی ئَ گوشت کہ آ گل ئِ کارندہ آں گوں سک باز واھگ ئُُ ھُب داریت۔ پارٹی ئِ کارندہ باسک آں چہ بُرز تربنت۔ آئی ئَ گوشت کہ باسک آں گوں محبت پہ من خر ئِ گپ اِنت۔ مسلم لیگ (ن) ئِ کارندہ منا سال آنی ھساب ئَ مُدام گچین کنگ ئَ آں۔ ایشی ئِ پد ئَ آئی باسک آنی شُگر گپت۔ آئی ئَ گوشت کہ من باسک آنی بدولت ئَ بار بار پارٹی ئِ صدر گچین بوھگ ئَ آں ئُُ من مُدام آوانی اُمیت آنی رد ئَ کنگ ئِ کوشست کتگ۔
