اسلام آباد ۔ 22اپریل (اے پی پی) وزیر خزانہ سینیٹر اسحاق ڈار پارینے کہ حکومت گڈ گورننس ئِ باوری جوڑ کرینے و قومی ادارہ غاتے ٹی شفافیتئِ باوری جوڑ کیک۔ ریڈیو پاکستان ئِ اسہ انٹرویو سے ٹی اوپارے کہ حکومت ملک اٹی کیہی شونداری و شرحالی ڈٹ آتا بنائِ کرینے و قومی معیشت ئِ پین سوگو جوڑ کننگ نا چرجوئی ٹی شون وشان سرسہبی دوئی مسنے۔ اوپارے کہ پانامالیکس آن گڈ وزیراعظم محمد نواز شریف قوم آن تران کرے و دا معاملہ آ انکوائری کمیشن اس جوڑ کننگ نا پڑوئِ کرے۔ اوپارے کہ اپوزیشن راہشون آتا بے جا بیان آتاسوب مسکوہی چیف جسٹس،جسٹس ناصرالملک تون اوار سپریم کورٹ نا کیہی جج صاحب آک کمیشن نا سرکڑدہی آن انکار کریر۔
