بلوچستان اسمبلی نا قائمہ کمیٹیتعلیم نا دیوان، تعمیرِ نو یونیورسٹی کوئٹہ بل 2026 آ سجفنگا

کوئٹہ۔ 10 ستمبر (اے پی پی)بلوچستان اسمبلی نا تعلیم نا قائمہ کمیٹی نا دیوانپنچ شنبے نادے صوبائی اسمبلی سیکرٹریٹ نا کمیٹی روم اٹ اڈ ہلک، ہرانا کماشی ءِ کمیٹی نا چیئرمین خیر جان بلوچ کرے۔ دیوان اٹ کمیٹی نا باسک رحمت صالح بلوچ، میر جہانزیب مینگل و میر لیاقت علی لہڑیئسک بشخ ہلکر۔ دیوان اٹ بلوچستان صوبائی اسمبلی نا سیکرٹری طاہر شاہ کاکڑ، ہائر ایجوکیشن نا سیکرٹری ہاشم غلزئی، اسپیشل سیکرٹری اسمبلی عبدالرحمن، بورڈ ممبر تعمیر نو ٹرسٹ حافظ طاہر، ایڈیشنل سیکرٹری قانون سعید اقبال و ایلو تعلقدار کمامدارآک ہم ساڑی ئسر۔دیوان اٹ تعمیر نو یونیورسٹی کوئٹہ بل 2026 انا سرجمی اٹ جاچ ءِ ہلنگا۔ بل انا مسخت بلوچستان اٹ نجی بشخ انا رداٹ تعمیر نو یونیورسٹی کوئٹہ نا جوڑ کننگ ءِ، تانکہ آب اٹ بڑزکو تعلیم،پٹ وپول ، جدت و انسانی وسیلہ غاتا شونداری ءِ مون آدننگ مرے۔ دیوانءِ پاننگا کہ یونیورسٹی نا جوڑ کننگ آن بڑزکو تعلیم اسکان رسینگاٹ ودکی ، تعلیمی ادارہ و صنعت نا نیام اٹ رابطہ غاتا مون آ دننگ ، کاروباری لائخی و ٹیکنالوجی نا مون آ دننگ تون اوار صوبہ نا راجی و زرگزرانی شونداری ٹیکمک دوئی مریک ۔ یونیورسٹی تعلقدار کانود، حکومتی پالیسی و حکومت بلوچستان و ہائر ایجوکیشن کمیشن نا مقرر کروک آب اٹ تعلیم و کوالٹی ایشورنس نا اصول آتا رداٹ ڈگری جاری کروک ادارہ نا وڑ اٹ کاریم کیک۔دا وخت آ باسک کمیٹی ممبر بلوچستان اسمبلی رحمت صالح بلوچ پارے کہ تعمیرِ نو تعلیم نا شونداری و راجیگچینی ذکر انا قابل خذمت سرتسنے ،اوپارے کہ ادارہ نا بانی و سرکڑدہ بندغ آک راج انا تعلیمی و راجی شونداری ٹیاہم کڑد ادا کرینو۔ کمیٹی نا باسک آک بل ءِ اسہ مثبت گام اس گوندسا پاریرکہ بلوچستان اٹ پرائیویٹ سیکٹر نا رداٹ اسہ پوسکن ءُ یونیورسٹی اسے نا جوڑ کننگ صوبہ ٹی بڑزکو تعلیم نا نظام ءِ پین سوگو کننگ نا کنڈ آ اہم پیش رفت اس مریک۔ باسک آک دا ہیت آ زور شاغار کہ پرائیویٹ و سرکاری ہڑتوم آ سیکٹر نا تعلیمی ادارہ غاتا نیام اٹ جان جوڑ مقابلہ، آب اٹ تعلیم ٹی گچینی و ورنا تے پوسکن تعلیمی وارخواہیفراوانی ءِ المی جوڑ کننگے۔ او پارے کہ صوبہ نا سرکارییونیورسٹی تے ہم جوان وسیلہ، انتظامی کمک و پٹ وپولی آسراتی تننگ المی ءِ، تانکہ بڑزکو تعلیم نا مچ آ نظام سوگو مرے۔دیوان نا ایسرآکمیٹی نا چیئرمین خیر جان بلوچ باسک آتا منت واری ءِ ہرفسا پارے کہ تعلیم نا بابت کانود سازی بھاز اہمیت تخک و دا وڑنا بل آتا جاچ ءِ ہلنگ نا وخت صوبہ نا غٹ سرکاری و پرائیویٹ تعلیمی ادارہ غاتا فائدہ ،آب اٹ تعلیم و طالب علم آتا گیشتر فائدہ غاتے مون آ تخنگے ۔ او پارے کہ صوبہ نا شونداری و شونہالی کن تعلیم ءِ اولیت تننگ المی ءِ۔