پاکستان جموں و کشمیر نا حیثیت نا بابت بھارت نا بے بنداو دعویٰ تے دوٹوک لوز آتیٹی مسترد کرے

اسلام آباد۔ 10 ستمبر (اے پی پی)پاکستان جموں و کشمیر نا حیثیت نا بابت بھارت نا بے بنداو دعویٰ تے دوٹوک لوز آتیٹی مسترد کرینے ہرا مسلمہ جہانی حقیقتآتیان چپ ءُ ۔ ترجمان دفتر خارجہ سجاد حیدر خان پنچ شنبے نادے آداڑے ہفتہ وار پریس بریفنگ اٹ پارے کہ بھارت نا اسہ کنڈی گام گیج و پدریسہ غیرکانودی کوزہ جموں و کشمیر نا جہانی وڑاٹ امنا مروک جھیڑہ ئی حیثیت ءِ بدل کننگ کپک۔ ترجمان پارے کہ جموں و کشمیرنا جھیڑہ اقوام متحدہ نا سلامتی کونسل نا ایجنڈا غا پدریسہ ایسرنا چاری باندات ءِ و اونا گڈیکو فیصلہ اقوام متحدہ نا سلامتی کونسل نا تعلقدار قرارداد و کشمیری الس نا است خواہی تارداٹ بایدے کننگے ہرا اقوام متحدہ نا چاروکی ٹی آجو و غیر جانبدارانہ استصواب رائے نا کمک اٹ مرے۔ ترجمان پارے کہ اقوام متحدہ نا سرکاری نقشہ ہرافتے ٹی جموں و کشمیر ءِ اسہ جھیڑہ ئی علاقہ اسے نا وڑاٹ نشان تننگانے، اونا ساڑی آ کانودی حیثیت نا اسٹ انگا مستند نقشہ جاتیعکاسی برقرار ءِ ۔ او پارے کہ بھارت نا پن انا سرکاری نقشہ و وتواجہی نا اسہ کنڈی دعواک جموں و کشمیر نا جھیڑہ ئی حیثیت ءِ ہچ وڑاٹ بدل کننگ کپسہ۔