احسن اقبال نا کماشی ٹی ‘اڑان پاکستان’ نا قومی اقتصادی مشن، خراج اصلاحات و ڈیجیٹلائزیشن نا بابت دیوان

اسلام آباد۔ 10 ستمبر (اے پی پی)بنجائی وزیرڈٹ بندی، شونداری و خصوصی گام گیج پروفیسر احسن اقبال پارینے کہ خراج اصلاحات و وسیلہ غاتے ٹی ودکی مشن، 2’اڑان پاکستان’ نا رداٹ قومی اقتصادی کونسل آن منظور مروک 11 قومی اقتصادی مشن تیاناسٹ ءِ ، ہرا مچ آ ‘اڑان پاکستان’ پروگرام کن مالیاتی انجن نا حیثیت تخک۔ قومی اقتصادی مشن، خراج اصلاحات و زرگزران نا ڈیجیٹلائزیشن نا بابت دیوان نا کماشی ءِ کرسا بنجائی وزیر پارے کہ پت ان قابل و گچین ذریعہ غاتیان کٹیا ٹی ودکی کننگ آن بیدس ایلو 10 قومی اقتصادی مشن تیکن درکاروسیلہ غاتے فراوان کننگ مفک۔ او پارے کہ ‘اڑان پاکستان’ نا 11 قومی اقتصادی مشن تا منظوری ءِ قومی اقتصادیکونسل تسنے ہرا ملک انا بڑزکو اقتصادی فیصلہ ساز آئینی ادارہ ءِ۔ دا مشن تا بنداوی مسخت پاکستان ءِ 2035 اسکان اسہ ٹریلین ڈالر نا زرگزران جوڑ کننگ ءِ۔احسن اقبال پارے کہ ‘اڑان پاکستان’ نا ہدف آک دوئیمننگ نا قابل ءُ ولے اوفتے کن ہر بشخ اٹی ٹرانسفارمیشندرکارءِ ۔ سٹیٹسءِ برقرار تخسا اسہ ٹریلین ڈالر نا زرگزران نا ہدف ءِ دوئی کننگ بھاز مشکل مریک ۔ اگر نن کاروبار ءِ معمول نا وڑ اٹ چلیفسا کرین تو درکارزرگزرانی بدلی ءِ دوئی کننگ کپنہ ۔ او پارے کہ ننے سرکُک نا رفتار اٹ آخابلکن ڈیجیٹل رفتار اٹ مون آ ہنوئی مریک ۔ پاکستان ءِ زرگزرانی شونداری کن روایتی وڑ و پیم آن پیش تمسا ترند رفتار ڈیجیٹلزرگزران نا کنڈ آ گدریفنگوئی مریک ۔بنجائی وزیر پارے کہ شک اف کہ پاکستان اقتصادی سوگوی دوئی کرینے، ولے ساڑی آکچ انا سوگوی پائیدار شونداری کن گنج اس اف۔اقتصادی شونداری کن جم قومی پیداوار (جی ڈی پی) ٹی ودکیالمی ءِ۔ او پارے کہ 2018 ٹی پاکستان نا جم قومی پیداوار نا مقابلہ ٹی شونداری بجٹ نا کچ بھاز زیات ئس، وخت اس کہ اینوشونداری بجٹ دا کچ آن بھاز کم ءِ۔ اگر نن کم و ود اِراہزار ارب روپئی نا شونداری بجٹ اٹی سوگوی دوئی کننگ اُن تو اودے پورو زرگزرانی سوگوی پاننگ مفک۔ احسن اقبال پارے کہ پاکستان نا شونداری بجٹ دے پہ دے کم مرسا کننگ ءِ و بجٹ نا ساڑی آ پنجر شونداریخڑچ آتیکن پینگنجائشت ودی کننگ اٹیاڑاند ءِ۔