تنخواہ دار تپہ کن ریلیف،چندی خراج سلیبآتیٹی خراج نا کچ اٹی نمان کمتی، 9 درسد سرچارج ہم ختم ، ایف بی آر وضاحتی بیان اس جاری کرے

اسلام آباد۔ 10 ستمبر (اے پی پی)حکومت نا کنڈ آن تنخواہ دار تپہ ءِ ریلیف تننگ کن تنخواہ آن دو ئی مروک کٹیا غا چندی خراج سلیب آتیٹیخراج نا کچ آتیٹی کمتی کننگانے، 10 ملین روپئی آن زیاتخراج نا قابل کٹیا تخوک تنخواہ دار بندغ آتیالگوک 9 درسد سرچارج ءِ ہم چٹفنگانے ۔ ایف بی آر نا کنڈ آن جاریوضاحتی بیان نا رداٹ فنانس ایکٹ 2026 نا رداٹ انکم ٹیکس آرڈیننس 2001 نا فرسٹ شیڈول نا بشخ اول ڈویژن اول نا شق (2) ٹیساڑی جدول ءِ بدل کرسا تنخواہ دار بندغ آتیکن خراج نا نظر ثانی مروک آ کچ آتے مقرر کننگانے، نظر ثانی مروک آ کچ آتا رداٹ 6 لکھ روپئی اسکان سالانہ خراج نا قابل کٹیا غا ہچ ءُ انکم ٹیکساس لگپک۔ 6 لکھ روپئی آن زیات ولے 12 لکھ روپئی اسکان کٹیا غا6 لکھ روپئی آن زیاتزرانا اسہ درسد خراج ہلنگک۔ 12 لکھ روپئی آن زیات ولے 22 لکھ روپئی اسکان خراج نا قابل کٹیا غا 6 ہزار روپئیآن بیدس 12 لکھ روپئی آن زیاتزرانا 11 درسد خراج لگک، ہنداوڑ22 لکھ روپئی آن زیات ولے 32 لکھ روپئی اسکان کٹیا غا1 لکھ 16 ہزار روپئیآن بیدس 22 لکھ روپئی آن زیاتزرانا 20 درسد خراج مریک ۔ وضاحتی سرکلر نا رداٹ 32 لکھ روپئی آن زیات ولے 41 لکھ روپئی اسکان قابل خراج کٹیاتخوک آ بندغ آتیان 3 لکھ 16 ہزار روپئیآن بیدس 32 لکھ روپئی آن زیاتزرانا 25 درسد خراج ہلنگک۔ 41 لکھ روپئی آن زیات ولے 56 لکھ روپئی اسکان کٹیا غا5 لکھ 41 ہزار روپئیآن بیدس 41 لکھ روپئی آن زیاتزرانا 29 درسد خراج لگک۔ 56 لکھ روپئی آن زیات ولے 70 لکھ روپئی اسکان قابل خراج کٹیاغا9 لکھ 76 ہزار روپئیآن بیدس 56 لکھ روپئی آن زیاتزرانا 32 درسد خراج مریک۔ سرکلر نا رداٹ 70 لکھ روپئی آن زیاتقابل خراج کٹیاتخوک آ بندغ آتے کن خراج نا کچ 14 لکھ 24 ہزار روپئیآن بیدس 70 لکھ روپئی آن زیاتزرانا 35 درسد مقرر کننگانے۔ حکومت تنخواہ دار بندغ آتیالگوک سرچارج اٹی ہم اہم کمتی اس کرینے، انکم خراج آرڈیننس نا دفعہ 4 اے بی نا رداٹ دا وڑ نابندغ و ایسوسی ایشن آف پرسنز نا قابل خراج کٹیا10 ملین روپئی آن گدرینگ انگ نا دروشم اٹی انکم خراج نا مقرر مروک آ زرآ 10 درسد سرچارج لگک ولے تنخواہ آن کٹیا دوئی کروک بندغ آتیکن دا حد آ 9 درسد سرچارج لاگوئس ۔ فنانس ایکٹ 2026 نا کمک اٹ تنخواہ دار بندغ آتیکن دا 9 درسد سرچارج ءِ چٹفنگانے ۔ پوسکن ترمیم نا رداٹ 10 ملین روپئی آن زیات کٹیا تخوک ایلو بندغ و ایسوسی ایشن آف پرسنز آ 10 درسد سرچارج پدریسہ نافذ سلک، ولے تنخواہ دار بندغ دا سرچارج آن مستثنیٰ مریک ۔ خراج سلیبز آتیٹی کمتی و تنخواہ دار بندغ آتیکن سرچارج نا چٹفنگ نا مسخت دا تپہ غا خراج نا بھاریم ءِ کم کرسا اوفتے مالی ریلیف فراوان کننگ ءِ۔