اسلام آباد۔ 10 ستمبر (اے پی پی)نائب وزیراعظم و وزیر خارجہ سینیٹر محمد اسحاق ڈار ترکیہ نا وزیر خارجہ حاقان فیدان تون تدوک آ نن ٹیل فون آ گپ وتران کرے۔ پنچ شنبے نادے آدفتر خارجہ نا کنڈآن جاری بیان نا رداٹ ہڑتوم آ وزیر خارجہ غاک تین پہ تینی است خواہی و ہڑتوم آ کنڈآتا تعلقداری و علاقائی حالیت آتا جاچ ءِ ہلکر۔ او فلسطین نا باندات آ تینا …
نائب وزیراعظم سینیٹر محمد اسحاق ڈار نا ترک وزیر خارجہ تون ٹیل فون آ گپ وتران، ہڑتوم آ ملک آتا نیام اٹ تعلقداری و علاقائی حالیت آتا بابت ہیت و گپ
اسلام آباد۔ 10 ستمبر (اے پی پی)نائب وزیراعظم و وزیر خارجہ سینیٹر محمد اسحاق ڈار ترکیہ نا وزیر خارجہ حاقان فیدان تون تدوک آ نن ٹیل فون آ گپ وتران کرے۔ پنچ شنبے نادے آدفتر خارجہ نا کنڈآن جاری بیان نا رداٹ ہڑتوم آ وزیر خارجہ غاک تین پہ تینی است خواہی و ہڑتوم آ کنڈآتا تعلقداری و علاقائی حالیت آتا جاچ ءِ ہلکر۔ او فلسطین نا باندات آ تینا اسیجائی موقف نا درشانی ءِ کرسا غیرکانودی اسرائیلی بستی تیان درآمد آتیاپابندی و داوڑنا بستی تتون گنڈوک خذمت آتیاپابندی خلنگ نا برطانیہ نا فیصلہ نا بابت ہشت عرب و اسلامی ملک آتا اسیجائی بیانتون اوار اوار برطانیہ و ایلویورپی ملک آتا اِرا ریاستی ایسر نا بابت اسیجائی بیان نا مخ تفی نا درشانیءِ کریر۔ ہڑتوم آ وزیر خارجہ غاک سعودی عرب و مصر اتون علاقائیباندات آتیاخڑکی سلاہ ومشورہ ءِ برجاتخنگ نا اہمیت آ ہم زور شاغار ہراٹی ریجنل فور (آر فور) فریم ورک انا کمک اٹ سلاہ ومشورہ ہم اوار ءِ۔ ہڑتوم آ راہشونک نیویارکاٹی اقوام متحدہ نا جنرل اسمبلی نا بروک آ دیوان نا وخت آ اوڑدہی کننگ آ امنا کریر۔
