پاکستان ہیلتھ سیکٹر اٹی تینا مسکوہی کارکڑد نا ریکارڈ ءِ پرغسا ترندی اٹ مون آ ہِننگ ءِ ، بنجائی وزیر جان جوڑی سید مصطفیٰ کمال

اسلام آباد۔ 10 ستمبر (اے پی پی)بنجائی وزیر جان جوڑی سید مصطفیٰ کمال پارینے کہ پاکستان ہیلتھ سیکٹر اٹی تینا مسکوہی کارکڑد نا ریکارڈءِ پرغسا ترندی اٹ مون آ ہِننگ اٹی ءِ ، جان جوڑی نا بشخ قومی سلامتی و قومیزرگزران نا اہم ویل ءِ ، حکومت جان جوڑی نا بشخ اٹ اصلاحات، ڈیجیٹائزیشن، زرکاری و برآمد آتے مون آ دننگ کن پبی گام گیج کننگ اٹی ءِ۔ بنجائی وزیر جان جوڑی دا خیال آتا درشانیءِ23 می ہیلتھ ایشیا ایکسپو آن تران کرسا کرے۔ او پارے کہ ایکسپو ٹی 600 آن زیات اسٹال خلنگانو، 200 آن زیات ملکی و درملکی کمپنی بشخ ہلنگ ءُ وخت اس کہ 30 آن زیات کانفرنس اڈ ہلیک و چندی مفاہمتییات داشت آتیا دستخط کننگانے۔ مصطفیٰ کمال پارے کہ منہ تُو مست اسلام آباد اٹ پاکستان و چین نا کمپنی تا نیام اٹ بی ٹو بی کانفرنس اڈ تننگا ، ہراٹی چین آن جان جوڑی نا بشخ انا 180 وخت اس کہ پاکستان آن 300 آن زیات کمپنی بشخ ہلکر۔ وزیراعظم کانفرنس نا بنا ءِ کرے۔ و اِرا دے ئی کانفرنس نا وخت آ 663 ملین ڈالر نا معاہدہ طے مس، ہرا بروک آ 12 آن 14 تُو انا وخت اٹی پاکستان اٹ زرکاری نا دروشم اٹ مون آ بریرہ۔ او پارے کہ چینی کمپنی تا تتون کم و ود 1.2 ارب ڈالر نا ایم او یوز ہم طے مسنے ،ہرافتیاحکومت پیش رفت نا جاچ ءِ ہلنگ اٹی ءِ و زرکار آتے ہر وڑنا آسانی فراوان کننگ اٹی ءِ۔ بنجائی وزیر ہیلتھ ایشیا ایکسپو نا اڈ تننگ آ ای کامرس گیٹ وے و اونا ٹیم ءِ مبارکباد ترسا پارے کہ مچ آ دنیا غان کمپنی و گڑ اتے اسہ پلیٹ فارم اسے آ اتنگ ستاکڑزوک گام اسے۔ پاکستان داوخت آ کم و ود 26 کروڑ آبادی نا ملک ءِ ، ہرا اسہ کنڈ آن چیلنج اسے تو ایلو کنڈ آن ہیلتھ کیئر فراوان کروک کمپنی تیکن اسہ بھلو مارکیٹ و موقع اس ہم ارے۔