ایس سی او نا اسیجائی ویژن ءِ عملی کمکاری و پبی نتیجہ غاتیٹی بدل کننگ نا گرج ءِ، اسحاق ڈار

اسلام آباد۔ 30 ستمبر (اے پی پی)نائب وزیراعظم و وزیر خارجہ سینیٹر محمد اسحاق ڈار پارینے کہ ایس سی او نا اسیجائی ویژن ءِ عملی کمکاری و پبی نتیجہ غاتیٹی بدل کننگ نا گرج ءِ۔ چارشنبے نا دے آدفتر خارجہ نا ترجمان نا کنڈآن جاری بیان نا رداٹ وزارت خارجہ اسلام آباد اٹی ایس سی او باسک ملک آتا نیشنل کوآرڈینیٹرز تون اوار ایس سی او سیکرٹریٹ و ایس سی او آر اے ٹی ایس نا سینئر نمائندہ غاتیان تران کرے۔ پاکستان نا کماشی ٹی نیشنل کوآرڈینیٹرز کونسل نا اولیکو دیوان اٹی نیشنل کوآرڈینیٹرز آتے بخیر کرسا نائب وزیراعظم و وزیر خارجہ اسحاق ڈار پاکستان نا اسہ آجو، جامع و تعمیری صدارتی عزم انا درشانی ءِکرے، ہرا تین پہ تینی پت ، تین پہ تینی مفاد، بریبری ، سلابت و اسیجائی شونداری نا ’’شنگھائی اسپرٹ‘‘ آ تالان ءِ۔ او پاکستان نا کماشی نا موضوع ’’ویژن ءِ عمل اٹی بدل کننگ، کنیکٹیویٹی، جدت و اسیجائی شادکامی‘‘ ءِ تالان کرے و دا ہیت آ زور شاغا کہ ایس سی او نا اسیجائی ویژن ءِ عملی کمکاری و پبی نتیجہ غاتیٹی بدل کننگے۔ او 2027 اٹی اسلام آباد اٹی ایس سی او کونسل آف ہیڈز آف اسٹیٹ نا میزبانی نا تیاری تا ذکر ءِ ہم کرے و سرسہب صدارت ءِ پک کننگ کن باسک ملک آتا نیام اٹی خڑک رابطہ غاتا گرج آ زور شاغا۔