وزیراعظم محمد شہباز شریف نا میر علی ٹی سیکورٹی فورس آتا سرسہب کارروائی آ خراج تحسین

اسلام آباد۔ 30 ستمبر (اے پی پی)وزیراعظم محمد شہباز شریف میر علی ٹی سکیورٹی فورس آتا کارروائی ٹی 3 خارجی تے دوزخی کننگ آ خراجِ تحسین پیش کرینے۔ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف خلنگوک آ دہشت گرد آتیان سلہہ و گولہ بارود دوئی کننگ آ سکیورٹی فورس آتے شاباشی تس ۔ وزیراعظم دہشت گرد آتا برخلاف سکیورٹی فورس آتا کارروائی تاستاءِ کرے۔ وزیراعظم شہباز شریف پارے کہ فتنہ الخوارج نا برخلاف سکیورٹی فورس آتاکارروائی ستاکڑزک ۔ او پارے کہ دہشت گردی نا پورو چٹفنگ اسکان سکیورٹی فورس آتا کارروائی برجاسلک ۔ وزیراعظم پارے کہ پاکستان آن دہشت گردی نا ناسور نا پورو چٹفنگ حکومت نا اولیت ءِ۔ وزیراعظم پارے کہ مچ آ قوم سکیورٹی فورس آتون ہم کوپہ سلوک ءِ۔