اسلام آباد۔ 18 ستمبر (اے پی پی)وزیر اعظم محمد شہباز شریف کوہاٹ اٹی دھماکہ نا مذمت ءِ کرسا ٹھپی تا زوت دراخ جوڑی کن دعا کرینے۔ جمعہ نادے آ وزیر اعظم آفس نا میڈیا ونگ آن جاری بیان نا رداٹ وزیر اعظم محمد شہباز شریف کوہاٹ نا متکن آپولیس لائن اٹی مروک آ دھماکہنا ترندی اٹ مذمت ءِ کرے و داٹی چندی بندغ آتا ٹھپی مننگ آ ڈکھیائی و است …
وزیر اعظم شہباز شریف نا کوہاٹ اٹی دھماکہ نامذمت، ٹھپی تا زوت دراخ جوڑی کن دعا
اسلام آباد۔ 18 ستمبر (اے پی پی)وزیر اعظم محمد شہباز شریف کوہاٹ اٹی دھماکہ نا مذمت ءِ کرسا ٹھپی تا زوت دراخ جوڑی کن دعا کرینے۔ جمعہ نادے آ وزیر اعظم آفس نا میڈیا ونگ آن جاری بیان نا رداٹ وزیر اعظم محمد شہباز شریف کوہاٹ نا متکن آپولیس لائن اٹی مروک آ دھماکہنا ترندی اٹ مذمت ءِ کرے و داٹی چندی بندغ آتا ٹھپی مننگ آ ڈکھیائی و است ہسونی نا درشانیءِ کرے۔ وزیر اعظم ٹھپی مروک آتے دمدستی و گچین طبی کمک تننگ نا پارت کرسا اوفتا زوت دراخ جوڑی کن دعا کرے۔ وزیر اعظم تعلقدار کمامدار آتیان دھماکہ نا نوعیت و سوب آتا بابت رپورٹ طلب کرے ۔ وزیر اعظم کمکی کارروائی تے ترند کننگ و زہمی مروک آ بندغ آتے ہر ممکن آسراتی تننگ نا پارت کرے۔
