پاکستان سوگوی اٹ زرکاری و وتواجہی بحالیآن گیشتر سرمایہ  اس جوڑ کننگ نا کنڈآ ہننگ ءِ، وزیرِ خزانہ محمد اورنگزیب نا لندن اٹ تران

اسلام آباد۔18 ستمبر (اے پی پی)بنجائی وزیرِ خزانہ و محصولات، سینیٹر محمد اورنگزیب پارینے کہ پاکستان سوگوی اٹ زرکاری و وتواجہی بحالیآن گیشتر سرمایہ  اس جوڑ کننگ نا کنڈآ ہِننگءِ، مالیاتی و پیشن نا بشخ نا سوگوی ، کبینی ، وام تابست وبند و جہانی مالیاتی منڈیتسکان دُوارہ رسینگ نا بشخ آتیٹینمان پیش رفت مسنے، ایس ایم ایز، کشت و کشار و ہاؤسنگ نا بشخ آتیٹی مالی وسیلہغاتسکان رسینگ ءِ ودفنگ انگ ءِ۔ او دا ہیت ءِ لندن اٹ جے پی مورگن نا ایمرجنگ اینڈ فرنٹیئر مارکیٹسوارخواہی کانفرنس نا وخت آ اڈ ہلوک خاص نشست آن تران کرسا پارے، وزیرِ خزانہ پاکستان نا زرگزران ءِ مون تروک پیشن نا زرگزرانی زور ، آجو زرگزران نا سوگوی و آخبت نا زرگزرانی حکمتِ عملی آ سرجمی اٹ گپ وتران کرے۔ و زرگزرانی سوگوی نا دوئی کننگ اٹ پاکستان نا پیش رفت و زرکاری،سرمایہ نا جوڑ کننگ، برآمدات و نجی بشخ انا کماشی ٹی شونداری نا کنڈآ حکومت نا اولیتآتے مون آ تخا۔ کانفرنس اٹ پاکستان نا بابت پنی آ جہانی ادارہ جاتیزرکار و بھلامنی مینیجر آتا کنڈآن پبی است خواہی نا درشانی ءِ کننگا۔ جم وڑاٹ 55 جہانیزرکاری فنڈز پاکستانی ڈل اتون چندی ون آن ون اوڑدہی و اسہ پورو زرکارسیشن اسے ٹی بشخ ہلک ۔ زرکار آتا پبی است خواہی نا رداٹ غٹ اوڑدہی تے اسہ دے اٹی اڈ تننگا، ہرافتے ٹی پاکستان نا آخبت نا زرگزرانی کسر، زرکاری نا وارخواہی و برجازرگزرانی بدلی نا پائیدارمننگ نابابت امور آ سرجمی اٹ گپ وتران کننگا۔ جے پی مورگن پاکستان نا چیف ایگزیکٹو آفیسر و کنٹری ہیڈ امین خواجہ ہم اوڑدہی تا وخت آ ساڑی ئسر۔ وزیرِ خزانہ حکومت نا زرگزرانی کسر ءِ پیدوارکرسا شش اہم اولیتآتے مون آتخا ہرافتے ٹیزرگزرانی سوگوی ءِ پائیدار جوڑ کننگ و مالیاتی و پیشن نا زرگزرانی دباؤ ءِ سگنگ نا لائخی ءِ سوگو کننگ، سوگوی آن پیداواری لائخی،زرکاری و برآمدات آ تیا تالان پائیدار و زموارانہ شونداری نا کنڈآ پیش رفت، پنجرجاتی اصلاحات آتا چرجوئی ءِ برجاتخنگ ، کمک آن واپار و زرکاری نا کنڈآ گدریفنگ ، الس و راج انا چندیتپہ غاتے کن مالی وسیلہ غاتیا رسینگ اٹ ودفنگ، و ڈیجیٹلائزیشن، بلاک چین و ویب 3.0 تون اوار پوسکن آ زرگزران کن پاکستان ءِ گچین وڑاٹ تیار کننگ اوار ءِ۔