بنجائی وزیر پارلیمانی امور نا قطبی وزیرستان و ہنگو ٹی سرسہب کارروائی تیا سکیورٹیفورس آتے خراجِ تحسین

اسلام آباد۔ 18 ستمبر (اے پی پی)بنجائی وزیر پارلیمانی امور ڈاکٹر طارق فضل چوہدریقطبی وزیرستان و ہنگو ٹی سکیورٹیفورس آتاسرسہب کارروائی تیا خراجِ تحسین پیش کرے۔ جمعہ نادے آ راجی رابطہ نا ویب سائٹ ایکس آ تینا بیان اٹ او پارے کہ قطبی وزیرستان و ہنگو ٹی سرسہب کارروائی تا وخت آ 10 خوارج آتا خلنگ آسکیورٹیفورس آتا کسبی لائخی نا درشانی ءِ۔ لمہ وطن نا امن و سلامتی کن جان تے نذر کروک آ 6 بہادر گلزادہ غاتے سلام پیشکینہ۔ قوم تینا عظیم شہید آتا لازوال قربانی تے اسُل است آن دپک ۔ او دعا کرے کہ اللہ تعالیٰ شہید آتا درجہ غاتے بڑز کے و اوفتے جنت الفردوس اٹ بڑز کوجاگہ اس عطاء کے و خاہوت آتے صبرِ وجمیل عطاء کے و سکیورٹیفورس آتاورنا تے تینا حفظ و امان اٹ تخے۔