زرِ مبادلہ نا بڑزکوانگا کوڑی تا ملک انا پیشن نا مالیپوزیشن اٹی نمان گچینی نا عکاسی ءِ، خرم شہزاد

اسلام آباد۔ 18 ستمبر (اے پی پی)بنجائی وزیر خزانہ نا سلاہکار خرم شہزاد پارینے کہ پاکستان نا زرِ مبادلہ نا کوڑی تاریخ نا بڑزکو کہول آ سر مسنو ہرا ملک انا پیشن مالی پوزیشن اٹی نمان گچینی نا عکاسی ءِ ۔ سوشل میڈیا ویب سائٹ ایکس آ تینا بیاناسے ٹی خرم شہزاد پارے کہ سٹیٹ بینک آف پاکستان نا زرِ مبادلہ نا کوڑی 11 ستمبر 2026 آ 21.4 ارب ڈالر اسکان سر مسنے ، او پارے کہ 23-2022 نا مشکل حالیت آتا مقابلہ ٹی زرِ مبادلہ نا ساڑی کہول اٹی کیہی گناودکی مسنے ، وخت اس کہ درآمد آتے کن دوئی زرمبادلہ نا کور ہم تنکی نا وخت آ بیرہاِراہفتہ غاتیان ودسا داسہ مسہ تُو آن زیات مسنے۔ خرم شہزاد پارے کہ زرِ مبادلہ نا کوڑی تیٹی دا ودکی بیرہکوڑی تا بحالی اف بلکن پاکستان نا پیشن مالیپوزیشن و زرگزرانی سوگوی ٹینمان گچینی نا عکاسی ءِ کیک ۔ داڑآن پیشن ادائیگی تا لائخی سوگومسنے و جہانیزرگزرانی لوڈو تا مقابلہ ءِ کننگ نا گنجائشت اٹی ودکی مسنے۔ او پارے کہ زرِ مبادلہ نا کوڑی تیٹی گچینیزرراہی تس و خذمت آتا برآمد آتیٹی ودکی، کرنٹ اکاؤنٹ نا گچین حالیت و جہانی کیپٹل مارکیٹ اسکان پاکستان نا دُوارہ رسینگ تون مون آ بسنے ۔ خرم شہزاد پارے کہ 23-2022 نا شدید پیشن مالی مشکل آتیان پیش تمسا ساڑی آ دور اٹ ریکارڈ زرِ مبادلہ نا کوڑی و مسہ تُو آن زیات درآمدی کور اسکان سر مننگ آن پاکستان نا پیشن مالی حالیتاٹی اسہ بھلو بدلی اسے نا عکاسی مننگ ءِ ، دا پیش رفت تنکی آن سوگوی، زرِ مبادلہ نا کوڑی تا بحالی،پیشن مالی سوگوی آن پت ، زرکاری و پائیدارزرگزرانی شونداری نا کنڈ آ سفرءِ۔