بینک و مالیاتی ادارہ غاک بزغر، ایس ایمایزو ہاؤسنگ سیکٹر ءِ وام تا فراوانی ٹی تینا کڑد ءِ ادا کیر، محمد شہباز شریف

اسلام آباد۔ 09 ستمبر (اے پی پی)وزیراعظم محمد شہباز شریفبزغرآتے اڑاند آن بیدس و آسان شڑت آتیا مالی وسیلہغاتسکان رسینگ ءِ پک جوڑ کننگ نا پارت کرسا پارینے کہ بینک و مالیاتی ادارہ غاک بزغر، ایس ایمایزو ہاؤسنگ سیکٹر ءِ وام تا فراوانی ٹی تینا کڑد ءِ ادا کیر۔ چارشنبے نادے آ پی ایم آفس نا میڈیا ونگ آن جاری بیان نا رداٹ وزیراعظم محمد شہباز شریف نا کماشی ٹی مالیاتاسکان رسینگ نا ڈٹ 28-2026 نا بابت دیواناس اڈ ہلک ہراٹی وزیراعظم اپنا گھر سکیم، کشت و کشار و ایس ایمایزنا بشخ آتاشونداری کن فنانسنگ آ پیشرفت نا بابت برجاگام گیجآتا جاچ ءِ ہلنگا ۔ وزیراعظم محمد شہباز شریف پارے کہ بینک و مالیاتی ادارہ غاک بزغر، ایس ایمایزو ہاؤسنگ سیکٹر ءِ وام تا فراوانی ٹی تینا کڑد ءِ ادا کیر، ہرا بینکوام تا فراوانی ٹی پبی کڑد ادا کیک حکومت اونا است بڈی ءِ کیک۔ او پارے کہ کشاری بشخ ملک انا زرگزران اٹی تمبہ نا حیثیت تخک ہرا نا مون آ دننگ کن کاریم کننگ راجی زمواری ءِ۔ وزیراعظمبزغرآتے اڑاند آن بیدس و آسان شڑت آتیا مالی وسیلہغاتسکان رسینگ ءِ المی جوڑ کننگ نا پارت کرے۔ او پارے کہ کم کٹیاو نیامیتپہ غاتے کن اڑزان ہاؤسنگ نا فراوانی ننا اولیت ءِ، صوبائی چیف سیکرٹریک ہمو ملکیت آتا جامع سروے ءِ کرفر ہرافتے کن بینک تینا اُرا نا خواہندار بندغ آتے "وزیراعظم اپنا گھر سکیم” نا رداٹ وام تننگ کیر۔ دیوان ءِ ہاؤسنگ، کشت و کشار و ایس ایمایز نا بشخ آتا فنانسنگ نا بابت گام گیجآتیا حوال تننگا۔ حوال اٹی پاننگا کہ وزیراعظم اپنا گھر سکیم نا بابت داتم سکان 147,504 درخواست موصول مسنے ہرافتے آن 53,127 منظور مسنے ، دا سکیم نا رداٹ منظور مروک آ درخواست آتا کل مالیت 313.42 ارب روپئی ءِ وخت اس کہ 8,739 درخواست دہندہ غاتے 45.43 ارب روپئی نا وام تننگانے۔ مچ آ ملک اٹی مورگیج نا شڑت آتے پورو کروک آ پلاٹ آتا پیدواری کن سسٹم جوڑ کننگ انگ ءِ ہرا نا پائلٹ اسلام آباد آن مریک۔ اپنا گھر سکیم ءِ پین مربوط جوڑ کننگ کن نامدار ہاؤس ڈویلپرز آتے دا عمل اٹی اوار کننگ کن گچین وڑوڈول اس جوڑ کننگک۔ کشاری بشخ اکن بینک آتا کنڈ آن وام تا کچ اگست 2026 اٹی 1.268 ٹریلین روپئی ئس وخت اس کہ ایکسیس ٹو فنانس پلان 2028-2026 نا رداٹ جون 2028 اسکان 2 ٹریلین روپئی نا حدف مقرر کننگانے۔ زرخیز (Zarkhez-e) ایپ نا کمک اٹ آسان وام تیکن 35,838 درخواست موصول مس ہرا ڑکن 7.35 ارب روپئی منظور مس ہرافتے آن 1.96 ارب روپئی نا وام جاری کننگانے۔ اگست 2026 اسکان بینک آتا کنڈ آن ایس ایمای نا بشخ آتے وام تا کچ 1.067 ٹریلین روپئی ئس وخت اس کہ ایکسیس ٹو فنانس پلان 2028-2026 نا رداٹ جون 2028 اسکان دا وام تاحدف 2 ٹریلین روپئی تخنگانے۔ حوال اٹی دا ہم پاننگا کہ سمیڈا گدرینگوک آ مسہ تُو اٹی 1096 ایس ایم ایز تے فائنانشل لٹریسی نا تربیت تس۔ دیواناٹی نائب وزیراعظم و وزیر خارجہ محمد اسحاق ڈار، بنجائی وزیر احد خان چیمہ، رانا تنویر حسین، محمد اورنگزیب، ریاض حسین پیرزادہ، وزیر مملکت بلال اظہر کیانی،سلاہکاروزیراعظم ہارون اختر خان، گورنر سٹیٹ بینک جمیل احمد، ہر چار آ صوبہ و آزاد جموں وکشمیر و گلگت بلتستان نا چیف سیکرٹریز، IBRDنا کنٹری ڈائریکٹر بولورماامگآبزر، پاکستان بینک آتا صدر آک و سی سی اوک و تعلقدار بڑزکوسرکاری آفیسر آک بشخ ہلکر ۔