ملک ءِ زرئی   نپ  ءُ سیت آنی  رکھینگ ءِ ھاتر ءَ پاک بحریہ ءِ فوجی مہارت، آپریشنل صلاحیت ءُ ازمت آنی سر ءَ راج ءَ را پھر اِنت، مزن وزیر

اسلام آباد۔8ستمبر  (اے پی پی): مزن وزیر محمد شہباز شریف ءَ گوشت کہ پاک بحریہ ءِ فوجی مہارت، آپریشنل ازمکاری ، زر  ءِ رکھینگ ءُ پاکستان ءِ زرئی  نپ آناں دیم ءَ برگ ءِ واستہ مھکمیں ازمت ءِ سر ءَ راج ءَ را پھر اِنت۔ سئے شمبے ءِ روچ ءَ سوشل میڈیا پلیٹ فارم ایکس ءِ سر ءَ وتی پوسٹ ءِ تہ ءَ مزن وزیر محمد شہباز شریف ءَ پاک بحریہ ءِ روچ ءِ درگت ءَ پاک بحریہ ءِ افسر، مرد ءُ شہری آناں سلامی داتگ ءُ شہید ءُ پیسریگیں فوجی آناں شگر ءُ منت گپتگ۔ آئی ءَ گوشت کہ 1965ءَ آپریشن دوارکا ءِ ساھت ءَ ءُ آپ چیر  غازی ءِ ھست بوھگ ءِ تہ ءَ نیوی ءِ نیمگ ءَ پیش داشتگیں بہادری مئے راجدپتر ءِ یک  بے دروریں  در  اِت  کہ مئے زرئی  سیم سر آنی رکھینگ ءِ واستہ دلیری،  مزن جگری ءُ بے دروریں جزم ءِ گواہ اِنت۔