نوابزادہ جمال خان رئیسانی تون حاجی ریاض احمد شاہوانی نا اوڑدہی، حلقہ نا ویل آتا بابت گپ وتران

کوئٹہ۔ 08 ستمبر (اے پی پی)پیپلز پارٹی نا قومی اسمبلی نا باسک نوابزادہ جمال خان رئیسانی تون پی پی پی بلوچستان نا سینئرراہشون حاجی میر ریاض احمد شاہوانی تینا ڈل اتون اوار سراوان ہاؤس کوئٹہ ٹی اوڑدہی کرے، ہرا ٹی حلقہ این اے 264 کوئٹہ سریاب نا جم حالیت، الس ءِ مون تروک ویل، بنداوی آسراتی تا فراوانی و علاقہ نا شونداری و شونہالی نا بابت امور آتیا گپ وتران کننگا۔ نوابزادہ جمال خان رئیسانی پارے کہ سریاب نا الس نا خذمت، اوفتا ویل آتا ایسر و علاقہ نا پائیدار شونداری اونا اولیت آتیٹی اوار ءِ۔ او پارے کہ السی ویل آتا ایسر کن غٹ دوئی وسیلہ غاتے کاریم اٹ اتنگک، حلقہ نا الس ءِ مون تروک ویل آتا ایسر کن عملی گام گیج آتا چرجوئی ءِ برجا تخنگک۔ اوڑدہی ٹی پارٹی امور و علاقہ نا سیاسی و راجی حالیت آتا بابت ہم ہیت و گپ مس، دا وخت آالسی رابطہ غاتے پین گچین کننگ و سریابنا الس نا توار ءِ تعلقدار فورم تیا سر کننگ آ امناکننگا۔