کوئٹہ۔ 08 ستمبر (اے پی پی )گورنر بلوچستان جعفر خان مندوخیل پارینے کہ خواندگی نا جہانی دے ننے دا عزم و احساس نا پوسکنی نا موقع اس فراوان کیک کہ تعلیم ہی روشنا، واکدار و پائیدار آخبت نا بنداو ءِ، شون ہلوک و خوانوک بلوچستان نا تغ ننا اجتماعی کوشست آتیان حقیقتاس جوڑ مننگ کیک، دا مسخت کن حکومت، تعلیمی ادارہ، استاد، لمہ و باوہ ، سول سوسائٹی و راج …
شون ہلوک و خواندہ بلوچستان نا تغ ننا اجتماعی کوشست آتیان حقیقتاس جوڑمننگ کیک، جعفر خان مندوخیل
گیشتریں ھال
کوئٹہ۔ 08 ستمبر (اے پی پی )گورنر بلوچستان جعفر خان مندوخیل پارینے کہ خواندگی نا جہانی دے ننے دا عزم و احساس نا پوسکنی نا موقع اس فراوان کیک کہ تعلیم ہی روشنا، واکدار و پائیدار آخبت نا بنداو ءِ، شون ہلوک و خوانوک بلوچستان نا تغ ننا اجتماعی کوشست آتیان حقیقتاس جوڑ مننگ کیک، دا مسخت کن حکومت، تعلیمی ادارہ، استاد، لمہ و باوہ ، سول سوسائٹی و راج انا ہر بندغ ءِ تینا کڑد ءِ ادا کروئی مریک۔ دا خیال آتا درشانی ءِ او خواندگی نا جہانی دے انا وخت آ تینا کلہو اٹ کرے۔ او پارے کہ صوبہ نا جم شرحِ خواندگی ٹی 7 درسد ودکی و ہفت لکھ شست ءُ ہشت ہزار چناتے دُوارہ سکول آتیٹیپدی اتنگ محکمہ تعلیم نا گمر نا قابل سرسہبی ءِ، دا پیش رفت دا ہیت انا شاہدی ءِ کہ سہی آ کسر، گچین پالیسی و پدریسہ خواری نا کمک اٹ تعلیمیپِڑاٹ نمان بدلی اتنگ مریک۔ او پارے کہ اینو خواندگی نا تصور بیرہخواننگ و نوشتہ کننگ نا لائخی اسکان محدود متنے، آرٹیفیشل انٹیلیجنس، ڈیجیٹل ٹیکنالوجی و روبوٹکس نا دور اٹ خواندگی نا کچ ہم بدل مسنے ۔ گورنر پارے کہ منٹ منٹ آبدل مروک آ دیوان ٹی ڈیجیٹل لٹریسی ہی ہر بندغ ءِ پوسکن آ دنیا آن باخبر، لائخ و گچین وڑاٹ منسلک تخنگ اٹ بنداوی کڑد ادا کیک، ننے تیناچناتے بیرہ روایتی تعلیم بلکن ڈیجیٹل مہارت، سائنسی سوچ، پٹ وپول ، تخلیقی لائخی و ویل آتا ایسر کننگ نا لائخیآن ہم آراستہ کروئی مریک۔ جعفر خان مندوخیل پارے کہ اسہ جامع، اسہ وڑو آخبت شناس قومی تعلیمی پالیسی وخت انا اہم گرج ءِ ہرا جوزہ غاتاجاگہ غا سائنسی حقیقت و زندہ انسان آتا گرج آتا بنداو آجوڑ کننگے۔ دا وڑنا پالیسی ہی پاکستان و خاص وڑاٹ بلوچستان نا ورنا تے بدل مروک آ جہانیزرگزران و ٹیکنالوجی نا خواست آتون ہم گرنچ کننگ کیک۔ او پارے کہ بلوچستان اٹی نیزگاری و بے روزگاری اینو ہم تعلیم نا دوئی کننگ نا کسر اٹ بھلو اڑاند اسے ، ننا بھاز انگا ہُشار و پٹ وپول و تجسس آن پُر طالب علم آک تینا تعلیمی لائخیتے کاریم اٹ اتنگ نا جاگہ غا زرگزرانی بیوسی تا سوب آن خواری و مشقت کننگ آ بیوس ءُ۔ گورنر پارے کہ خواندگی بیرہ حساب کتاب نا پن اف، دا انسان ءِ تینا حق، لائخی و گمان آتیان خبردار کننگ نا وسیلہءِ ، خوانوک و لائخ بلوچستان نا تغ بیرہ حکومت نا کوشست آتیان پورو مننگ کپک، داڑکن جہانی ادارہ، تعلیمی تنظیم، نجیبشخ و راجی ادارہ غاتا کمک ہم المی ءِ۔
