سمندریخور آتا برآمدات ریکارڈ 568 ملین ڈالر نا کچ اسکان سرمس، خرم شہزاد

اسلام آباد۔ 08 ستمبر (اے پی پی)وزیرخزانہ نا سلاہکار خرم شہزاد پارینے کہ سمندریخورآتابرآمدات ریکارڈ 568 ملین ڈالر نا کچ اسکان سرمس، گچینآب ،پوسکن آمنڈیتسکان رسینگ،زیات ویلیو ایڈیشن و برآمدی منڈی تیٹی تنوع نا کمک اٹ پاکستان تینا بلیواکانومی ءِ برآمد و اقتصادی شونداری نا اسہ اہم ءُ محرک اس جوڑ کننگ کیک۔ ’’ایکس‘‘ آ تینا کلہو اٹ او پارے کہ گدرینگوک آ مالی سال اٹی پاکستان نا سمندریخورآتابرآمدات تاریخ نا بڑزکو کچ آ سرمس و اولیکو وار سمندریخورآتابرآمدات نا کچ500 ملین ڈالر نا کچ آن گدرینگسا 568 ملین ڈالر ریکارڈ کننگانے۔ او پارے کہ مالی سال 24۔2023 اٹی پاکستان نا سی فوڈ برآمدات 406 ملین ڈالر ئسر ہرا مالی سال 25۔2024 اٹیودسا489 ملین ڈالر مسر و مالی سال 26۔2025 اٹیاوفتے ٹی نمان ودکی مس و برآمدات 568 ملین ڈالر اسکان سرمسر۔ اِرا سال اٹی سی فوڈ برآمدات اٹیکم و ود40 درسد ودکی مسنے۔ او پارے کہ سی فوڈ برآمدات آتیٹی جتا جتا وڑناسمندری مصنوعات آک اوار ءُ۔ گدرینگوک آ مالی سال اٹی منجمد مچھی نا برآمدات 105.1 ملین ڈالر، سکویڈ و کٹل فش 103.7 ملین ڈالر، فش میل 83.1 ملین ڈالر، جھینگا62.1 ملین ڈالر وخت اس کہ کیکڑو نا برآمدات 36.9 ملین ڈالر مس۔ سلاہکار خزانہ پارے کہ پاکستان نا سی فوڈ چین،سویل دے ٹکی ایشیا، خلیجی ملک ، جاپان، سویلی کوریا و امریکہ تون اوار جتا جتا جہانی منڈی تیٹی برآمد کننگ انگ ءِ۔ آب اٹ گچینی و پوسکن آمنڈیتسکان رسینگ نا سوب آن پاکستانی سی فوڈ اکن برآمدی وارخواہی تیٹی ہم ودکی مسنے، روس انا منڈی ٹی ہم پاکستانی سی فوڈ نا رسینگ ودانے و 16 پاکستانی سی فوڈ پروسیسنگ پلانٹ آتے روسی مارکیٹ کن منظور کننگانے۔ خرم شہزاد پارے کہ پاکستان کن بلیو اکانومی ٹی برآمدات ودفنگ نا بھلو گمان اس ساڑی ءِ ولے اوفتیانپبی فائدہ ہرفنگ کن پوسکن پروسیسنگآسراتی ، ویلیو ایڈیشن، ایکوا کلچر، کولڈ چین نا بنداوی پنجر، جہانیآب اناحفظانِ جان جوڑی نا خواست آتا پورو کننگ و پوسکن جہانی منڈیتسکان رسینگ آ پین چکار کروئی مریک ۔ سی فوڈ برآمدات اٹی پدریسہ ودکینئے بیرہ پاکستان کن نہادی زر مبادلہ کٹیا کننگ نا ذریعہ جوڑ مننگ کیک بلکن دا بشخ اٹ زرکاری، روزگار نا وارخواہی و کرکی زرگزران نا شونداری ٹی ہم اہم ءُ کڑد اس ادا کننگ کیک۔