پاک بحریہ وطن نا دفاع و ملکی سمندریدنگ انا رکھ اکن ہروخت عزم، جیرت و کسبی مہارت نا درشانی ءِ کرے، سردار ایاز صادق

اسلام آباد۔ 08 ستمبر (اے پی پی)قومی اسمبلی نا سپیکر سردار ایاز صادق پاک بحریہ نا شہید و غازی تے خراجِ عقیدت پیش کرسا پارینے کہ پاکستان نیوی وطن نا دفاع و ملکی سمندریدنگ انا رکھ اکن ہروخت عزم، جیرت و کسبی مہارت نا درشانی ءِ کرینے، نیوی دے انا وخت آتینا کلہو اٹ او پارینے کہ دا دے ننے پاک بحریہ نا ہموبہادر گلزادہ غاتاقربانی و خذمت آتے یاتترفک ہرافک وطن نا دفاع کن تینا جان تے ندر کریر۔ سپیکر سردار ایاز صادق 1965 نا جنگ اٹ پاکستان نیوی نا کارکڑد ءِ خراجِ تحسین پیش کرسا پارے کہ آپریشن دوارکا پاک بحریہ نا تاریخ نا اسہ روشنا ءُ بشخ اسے، ہراٹی دُشمن نا اہم کرکی تنصیبات و ریڈار اسٹیشنتے شست کننگا۔ او پارے کہ دا جنگ انا وخت آ آبدوز غازیبحری پِڑآ تینا آپریشنل زمواری تے گچین وڑاٹ سرترسا دُشمن نا بحری ہن و بر ءِ محدود تخا۔ قومی اسمبلی نا سپیکر پارے کہ معرکہ حق انا وخت آ ہم پاک بحریہ ملکی سمندریدنگ انا رکھ و قومی دفاع کن تینا زمواری تے پورو وڑاٹ سرتس۔ او پارے کہ چیف آف نیول اسٹاف ایڈمرل نوید اشرف نا کماشیٹی پاک بحریہ کسبی مہارت، عزم و بہادری نا درشانی ءِ کرسا ملکی دفاع و سلامتی نا رکھ اٹ پبی کڑد ادا کرے۔ او پارے کہ پاکستان نا فوج انااسیجائی کسبی لائخی ، تین پہ تینی کمک و قومیجوزہ پک کرے کہ پاکستان تیناوتواجہی و علاقائی سالمیت نا دفاع نا پورو لائخی تخک۔ اسپیکر سردار ایاز صادق پارے کہ پاکستان نا زرگزران ،واپارو تزویراتیسلامتی ٹی سمندری کسر آتا بنداوی اہمیت نا رداٹ پاک بحریہ نا کڑد بھاز اہمیت تخک۔ پاک بحریہ ملک انا سمندریدنگ و قومیوتواجہی نا رکھ اکن ستاء کڑزوک خذمت سرتننگ ءِ۔ او پارے کہ مچ آ قوم پاکستان نیوی نا شہید، غازی و بہادر ورناتے سلام پیش کیک و اوفتا قربانی و خذمت آتے ہروخت قدر و شرف نا نظر اٹ یات تخک۔ او شہید آتا درجہ غاتا بڑزی و پاکستان ءِ امن، سلامتی و شونداری و شادکامیاس عطاء کننگ نا دعا کرے۔