وزیراعظم نا سیل و سواتی گام انا رداٹ گلگت بلتستان نا 464 کلومیٹر مریس ہفت سڑک آتے بنجائی حکومت نا حوالہ کننگ کن گچین

اسلام آباد۔ 07 ستمبر (اے پی پی)حکومت وزیراعظم نا سیل و سواتی گام انا رداٹ گلگت بلتستان اٹیجم وڑاٹ 464 کلومیٹر مریس ہفت سڑک آتے بنجائی حکومت نا حوالہ کننگ کن گچین کرینے، ویلتھ پاکستان ءِ دو بروک آ سرکاری دستاویز آتا رداٹ ڈٹ اٹیڈیہہ اناگچین مروک آ سڑک آتا جوڑ جاڑ، تالان کننگ، بحالی و مریس مدی دیکھ بھال اوار ءِ۔ دا کسر آتیٹی 54 کلومیٹر مریس استور-چلم چوکیروڈ، 31 کلومیٹر دیوسائی-سکردو روڈ، 100 کلومیٹر سکردو-خپلو روڈ، 17 کلومیٹر سکردو (تھورگو)-شگر روڈ و 36 کلومیٹر کے کے ایچ-نلتر تا سترنگی جھیل روڈ اوار ءُ۔ پین ارا کسر آتیٹی 121 کلومیٹر مریس تھلیچی-استور-رتو-شونٹر روڈ و 105 کلومیٹر مریس گوریکوٹ-شغرتھنگ-سکردو روڈ اوار ءُ، دا ہڑتوم آتیا داوخت آ تعمیراتی کاریم برجاءِ۔ گچین مروک آ ہفت سڑک آتا جم مرغنی 464 کلومیٹر ءِ۔ دستاویز نا رداٹ دا سلاہ ناگلگت بلتستان کابینہمہالو آن منظوریءِ تسنے ہراتم کہ مفاہمت نا یاتداشت (ایم او یو) نیشنل ہائی وے اتھارٹی (این ایچ اے) تون شیئر کننگانے۔ سلاہ ئی بنجائی تحویل نا مسخت وزیراعظم نا سیل و سواتی گام انا رداٹ دا ہفت سڑک آتا جوڑ کننگ ، تالان کننگ، بحالی و مریس مدی دیکھ بھال ءِ پک کننگ ءِ۔