قوم پاک فضائیہ نا بہادر شاہین تا جیرت ، عزم و کسبی مہارت آ گمرکیک، بنجائی وزیر پارلیمانی امور

اسلام آباد۔ 07 ستمبر (اے پی پی)بنجائی وزیر پارلیمانی امور ڈاکٹر طارق فضل چوہدرییوم فضائیہ نا وخت آ پاک فضائیہ نا بہادرشاہینتے خراج تحسین پیش کرسا پارینے کہ اینونادے ہموبہادرشاہینتے خراج عقیدت پیش کننگ نا دے ءِ ہرافک جیرت ، عزم و کسبی مہارت اٹ وطن نا دفاع نا تاریخاس نوشتہ کریر۔ دوشنبے نادے آ راجی رابطہ نا ویب سائٹ ایکس آ تینا کلہو اٹ او پارینے کہ 1965 نا جنگ اٹ پاک فضائیہ نا شاہینک دشمن نا ارادہ غاتے بے سہب کرسا قوم انا کاٹم ءِ گمراٹ بڑز کریر، پاک فضائیہ نا شاہین تا بہادری و کسبی مہارت ننا دفاعی تاریخ نا روشنا بشخ ءِ ۔ بنجائی وزیر پارلیمانی امور پارے کہ آپریشن بنیان مرصوص اٹ پاک فضائیہ نا شاندار کارکڑداسہ وار ولدا تینا پبی دفاعی لائخی ءِ پک کرے، آپریشن بنیان مرصوص پک کرے کہ پاک فضائیہ نا شاہینک ہر چیلنج نا مقابلہ کننگ نا پبی لائخیتخرہ۔ او پارے کہ پاک فضائیہ پاکستان نا فضائیدنگ انا دفاع کن ہروخت تیار و پورو مستعد ءِ، پاک فضائیہ نا شہید آتا بھلاقربانی تے سلام و غازیتے خراج تحسین پیش کینہ۔ بنجائی وزیر پارلیمانی امور پارے کہ پاک فضائیہ نا شاہینک مچ آ قوم انا گمرآکءُ، قوم پاک فضائیہ نا بہادرشاہین تا جیرت ، عزم و کسبی مہارت آ گمرکیک۔