بنجائی وزیر موسمیاتیبدلی و چاگڑدی رابطہ ڈاکٹر مصدق ملک تون اقوام متحدہ نا ادارہ یو این ہیبی ٹیٹ نا افسر اوڈی اینجیلو نا اوڑدہی

اسلام آباد۔ 07 ستمبر (اے پی پی)بنجائی وزیر موسمیاتیبدلی و چاگڑدی رابطہ ڈاکٹر مصدق ملک پاکستان نا موسمیاتیبدلی آن زہمی شار و نیزگار و نزورآبادی تا ویل آتا ایسر کن مریس وڑوڈول و شونداری اصطلاح تا جاگہ غا عملی، کمیونٹیآ تالان و پائیدار گام گیجآتیا زور شاغانے ۔ دا ہیتءِ او دوشنبے نادے آبولیویا آن تعلق تخوک آ اقوام متحدہ نا ادارہ یو این ہیبی ٹیٹ نا افسر اوڈی اینجیلو تون اوڑدہی نا وخت آ کرے۔ اوڑدہی ٹیشاری شونداری، موسمیاتی لچک، دیر و نکاسی آب، نوکاپ تون مون تننگ و نزورآبادیتیکن عملی ڈٹ آتیا گپ و تران کننگا۔ ڈاکٹر مصدق ملک شونداری ڈٹ آتیٹیتاخیرآگڑتی نا درشانی ءِ کرسا پارے کہ پالیسی جوڑ کننگ و جہانی کمکاری نا گڈیکومسخت زمینیکہول آ عملی کاریم و السی ویلآک بایدے ایسرمریر۔ او پارے کہ ننے گچین و بھرمی کاریم درکار ءِ۔ گچین پالیسیسلاہ اتیر، نن کمک کینہ و اودے عملی دروشم اس ایتنہ ۔ او غٹ تعلقدار ادارہ غاتیازور شاغا کہ بے گرج تاخیرو اڑاندآتے کم کرسا ڈٹ آتیا ترندی اٹ عملدرآمد ءِ پک جوڑ کننگے۔ بنجائی وزیر پارے کہ پاکستان ءِ پین پیچیدہ اصطلاح آتا جاگہ غا عملی ایسر درکار ءِ، خاص کر ہموعلاقہ غاتیٹی ہراڑے الس ءِ گندہ انگادیر،نوکاپ ،ہیبدارنکاسی آب و بنداوی شاری آسراتیتتون مون تروک ءِ ۔ او پارے کہ اسہ ڈٹ اس بھازانگا مخلوق نا زند ءِ بدل کننگ کیک ۔ اونا پاننگ ئس کہ ہندن ءُ ڈٹ جوڑ کننگے ہرا کمیونٹی نا شمولیت اٹ پورو مریرہ،خودکفیل مریر و سرسہب مننگ نا دروشم اٹ ملک انا ایلو علاقہ غاتیٹی ہم نافذ کننگ مریر۔ ڈاکٹر مصدق ملک پارے کہ چندی ادارہ و شونداری شریدارآتا کنڈ آن مستین اٹ جوان ءُ کاریم کننگانے ولے دا گام گیجآک گیشتر تالان ءُ و اوفتا جم اثرات آتے گچین وڑ اٹ مون آ ہتنگتنے۔ او پارے کہ سرسہب ڈٹ آتا پیدواری ،اوفتے تالان کننگ و اوفتے بھلو کچ اسے آ بایدے نافذ کننگے تانکہ دا گام گیج مون آ ہنسا قومی ایجنڈا نا بشخ جوڑ مننگ کے ۔ بنجائی وزیرگندہ انگا دیر والا علاقہ غاتیٹی واٹر ٹریٹمنٹ پلانٹس، نوکاپ آن رکھ و موسمیاتی لچک نا ڈٹ آتون اوار بنداوی شاری آسراتی تا فراوانی آ خاص چکار کننگ نا گرج آ زور شاغا۔ بنجائی وزیر نیشنل اربن سٹریٹیجی ءِ پالیسی آن عملی گام گیج آتیٹی ترندی اٹ گدریفنگ نا گرج آ ہم زور شاغاو پارے کہ بنجائی و صوبائی ادارہ، اقوام متحدہ نا ادارہ غاک، شونداری شریدار، ہندی حکومت و کمیونٹی تا نیام اٹ گچین رابطہ المی ءِ۔