مچ آ قوم ءِ پاک فضائیہ غا ناز ءِ، قربانیک مدام قوم انا یات آتیٹی نقش مریرہ، وزیراعظم

اسلام آباد۔ 07 ستمبر (اے پی پی)وزیراعظم محمد شہباز شریف پارینے کہ یومِ فضائیہ نا وخت آ بہادرفضائی جانباز آتا جیرت ، کسبی مہارت و ناقابلِ تسخیرجوزہ ءِ سلام پیش کینہ۔ دوشنبے نادے آ راجی رابطہ نا ویب سائٹ ایکس آ تینا اسہ پوسٹ اسے ٹی او پارینے کہ ستمبر 1965ء ٹی پاکستانی فضائیدنگ انا بہادری اٹ دفاع آن ہلیس مئی 2025ء ٹی معرکۂ حق نا وخت آ فیصلہئی ورندی اسکان، پاک فضائیہبہادری ،کسبی مہارت، درست نشانہ و قربانی نا تیناگمرنا قابل روایت ءِ برقرار تخانے۔ غیر معمولی تیاری،پوسکن آٹیکنالوجی ٹی مہارت و پاک فوجانا ایلوسروسزآتون گچین ہم گرنچی نا کمک اٹ پاک فضائیہوار وار آ پک کرینے کہ او ہر چیلنج نا مقابلہ ٹی پاکستان نا وتواجہی نا دفاع ءِ کننگ نا پورو لائخی تخک۔ وزیراعظم پارے کہ نن تینا شہیدآتے خراجِ عقیدت پیش کینہ،ہرافتاعظیم قربانیک مدام قوم انا یات آتیٹی نقش مریرہ۔ او پارے کہ مچ آقوم ءِ پاک فضائیہ غا ناز ءِ۔