پوسکن آ ٹیکنالوجی و مصنوعی ذہانت پوسکن آ دفاعی پِڑ ءِ ، احسن اقبال

اسلام آباد۔ 07 ستمبر (اے پی پی)بنجائی وزیرڈٹ بندی، شونداری و خصوصی گامگیج پروفیسر احسن اقبال پارینے کہ 6 ستمبر 1965 آن 6 ستمبر 2026 اسکان دنیا پورو وڑاٹ بدل مسنے ۔ اینو دفاع نا تصور بیرہ ٹینک، توپ و روایتیسلہہ غاتسکان محدود سلتنے ، بلکن مصنوعی ذہانت (AI)، جدت و پوسکن آ ٹیکنالوجی دفاع نا اہم و واکدار پِڑ جوڑ مسنے۔ یومِ فضائیہ نا وخت آ تینا کلہو اٹ او پارے کہ اگہ پاکستان نا وتواجہی و سلامتی ءِ پک کننگ نا ءِ تو دفاعی لائخی تے ٹیکنالوجی نا پوسکن آ افق تون ہم گرنچ کروئی مریک ۔ پروفیسر احسن اقبال پارے کہ پاکستان نا ورنا، سائنسی علم و پوسکن آٹیکنالوجی بروک آ وخت اٹ ملک انا سلامتی و وتواجہی نا حقیرکھوک پک جوڑ مریرہ۔ او پارے کہ بدل مروک آ دنیا ٹی قومی سلامتی نا خواست آک ہم بدل مننگ ءُ، ہندا سوب آن پاکستان ءِ علم، پٹ وپول ، جدت و ٹیکنالوجی نا پِڑاٹ تینا لائخی تے پین سوگو کروئی مریک۔