1965 نا جنگ اٹی پاک فضائیہ نا شہید و غازی تا قربانیک قومی تاریخ نا گمر نا قابل بشخ اسے ءُ، ایاز صادق

اسلام آباد۔ 07 ستمبر (اے پی پی)قومی اسمبلی نا سپیکر سردار ایاز صادق یومِ فضائیہ نا وخت آ پاک فضائیہ نا شہید، غازی و شاہین تے خراجِ عقیدت پیش کرسا پارینے کہ پاک فضائیہ ملکیوتواجہی ، قومی سلامتی و فضائیدنگ انا دفاع ٹی مدام بھلوجیرت ، کسبی مہارت و حب الوطنی نا درشانیءِ کرینے۔ او پارے کہ پاک فضائیہ نا شہید و غازی تا قربانیک قومی تاریخ نا گمرکروک ءُ بشخ اسےءُ ، قوم تینا دا بہادر گلزادہ غاتا قربانی و شجاعت ءِ مدام یات تخک۔ دوشنبے نادے آ یومِ فضائیہ نا وخت آ تینا کلہو اٹ سپیکر سردار ایاز صادق پارے کہ 1965 نا جنگ اٹ پاک فضائیہکچ اٹنگا وسیلہغاتیان پد ہم تیناکسبی برتری،جیرت و جنگی مہارت نا شاندار درشانی ءِ کرسا ملکی فضائیدنگ انا گچین دفاع ءِ کرے و دشمن نا فضائی جلہو آتا پبی مقابلہ ءِ کرے۔ پاک فضائیہ نا شاہین تا بہادری، عزم و قربانیوطن نا دفاع نا تاریخ اٹ اسہ ناقابلِ فراموش بشخ اس نوشتہ کرے و مچ آ قوم انا حوصلہ غاتے بڑز کرے۔ سپیکر سردار ایاز صادق پارے کہ ایئر مارشل نور خان 1965 نا جنگ اٹی پاک فضائیہ نا کماشیءِ غیر معمولیقائدانہ لائخی،کسبی بصیرت و سوگو عزم اتون کرے ۔ اونا گچین کماشیٹی پاک فضائیہ دشمن نا مقابلہ ٹی شاندار کارکڑد نا درشانی ءِ کرے و تینا جنگی لائخی تے منفے ۔ او ایم ایم عالم نا غیر معمولیجیرت و جنگی مہارت ءِ خراجِ عقیدت پیش کرسا پارے کہ اسہ فضائی معرکہ اسے ٹی دشمن نا پنچ جہاز آتے خلنگ بِٹنگ اونا بے مثل کسبی لائخی و بہادری نا روشنا درور ءِ ۔ او پارے کہ 1965 نا فضائی معرکہ غاتیٹی پاک فضائیہ نا پائلٹ و ایلوکارندہ غاک جانفشانی، بے مثل جیرت و جوزہ شہادت نا درشانی ءِ کرسا وطن نا دفاع کن لازوال مثال اس قائم کریر۔