شش ستمبر راجی راجدپتر ءِ تہ ءَ جزم ، بہادری ءُ بے دروریں قربانیانی چیدگ  اِنت ، قیصر احمد شیخ

اسلام آباد۔6ستمبر  (اے پی پی): سرمایہ کاری بورڈ ءِ وفاقی وزیر قیصر احمد شیخ ءَ گوشت کہ 6ستمبر مئے راجی راجدپتر ءَ جزم، بہادری ءُ بے دروریں قربانی آنی علامت انت۔ دیمپانی ءُ شہیدانی روچ ءِ درگت ءَ سرمایہ کاری بورڈ ءِ نیمگ ءَ جاڑی بوتگیں کلوہ ءِ تہ ءَ وفاقی وزیر ءَ گوشت کہ وطن ءِ شہید  ءُ غازیانی قربانی پاکستان ءِ واستہ مزنیں راجی مڈی انت۔ سرجمیں راج سلام اِنت ھما مردماں کہ پہ وطن ءِ رکّینگ ءَ وتی سر ندر کُتگ اَنت ۔ آئی ءَ گوشت کہ 1965ءَ پاکستانی فوج ءُ راج ءَ یکوئی ءُ یکمشت ءَ گوں دژمن ءِ عزائم پروش دات انت۔ سرجمیں راج ءَ را فورسز ءِ بہادری، دلیری ءُ پیشہ وارانہ مہارت ءِ سر ءَ پھر  اِنت۔ آئی ءَ گوشت کہ دیمپانی روچ مارا راجی یکوئی، نظم ءُ ضبط ءُ وطن ءِ گوں وپاداری ءِ سبق ءَ دنت، ءُ پاکستان ءِ وت واجہی، ایمنی ءُ سرزمین ءِ یکوئی ءَ را ہر پیم ءَ رکھینگ بیت۔ قیصر احمد شیخ ءَ گوشت کہ مھکمیں معیشت ءُ مھکمیں پاکستان شہید  آنی مزنیں مشن ءَ را دیم ءَ برگ ءِ وسیلگ انت۔ شہیدانی وابانی پیلو کنگ ءِ واستہ پاکستان ءَ معاشی رد ءَ مھکم بوھگی اِنت۔ وفاقی وزیر ءَ گوشت کہ دیمروئی، وشھالی ءُ اقتصادی برجائی ءِ واستہ سرجمیں راج یکجا بوھگ ءُ وتی کرد ءَ پیلو کنگ لوٹ ایت۔ مرچی ما پاکستان ءِ دیمروئی، وشھالی ءُ برجائی ءِ واستہ سرجمی ءَ کرد پیلو کنگ ءِ عہد ءَ کناں۔ قیسر احمد شیخ ءَ گشتگ کہ شہید ءُ غازیانی ابدمانیں قربانی مارا پاکستان ءِ جوڑ ءُ  جوڑیشت  ءُ دیمروئی ءِ ھاتر ءَ گیشتر جزمیگ کنت۔