پاکستان ءِ دیمپان ءِ روچ مارا راجی یکوئی ءُ قربانیانی یات ءَ دنت، شازیہ مری

حیدرآباد۔ 06 ستمبر (اے پی پی): پاکستان پیپلز پارٹی ءِ پارلیمنٹرینز ءِ مرکزی جارکش شازیہ مری ءَ 1965ءِ جنگ ءِ شہید ءُ پیشہ ور آناں یات پیش کت ءُ گوشت کہ 6ستمبر پاکستان ءِ راجدپتر ءِ تہ ءَ یک ناقابل فراموشیں روچ اِنت۔ شازیہ مری ءَ پاکستان دیمپان ءِ روچ ءِ درگت ءَ وتی یک کلوہ ءِ تہ ءَ گوشت کہ دیمپان ءِ روچ پاکیں سرڈگار ءِ رکھینگ ءِ واستہ داتگیں مزنیں قربانی آنی یات ءَ کیت۔ سرجمیں راج 1965 ءِ شہید  ءُ پیشہ ور آناں سلام پیش کنت وھدیکہ پاکستانی سلاہ بندیں اُرد ءُ راج 6ستمبر ءَ یکوئی، جزم ءُ بہادری ءِ ابدی مثال پیش کنت۔آئی ءَ گوشت کہ شہید  آنی قربانی راجی راجدپتر ءِ یک رژنائیں بابے ءُ راج ءَ را مدام ھما مردمانی مزنیں یات ءَ کیت کہ آھاں وتی دیمپان ءِ ھاترا قربان کتگ۔ پاکستان ءِ حاکمیت، یکپارچی ءُ دیمپان ءِ سرا ہچ وڑیں سمجھوتہ بوت نہ کنت۔ شازیہ مری ءَ گوشت کہ پاکستان پیپلز پارٹی جمہوریت، آئین ءُ راجی ایمنی ءِ رکھینگ ءِ واستہ جزمیگ انت ۔ دیمپانی روچ ءِ کلوہ ایش انت کہ راجی یکوئی ءُ یکوئی پاکستان ءِ طاقت ءِ بُن ھشت انت۔ شہیدانی مشن ءَ دیم ءَ برگ ءُ پاکستان ءَ مھکم، آباد ءُ دیمروئی کنگ مئے درستانی یکجاھیں ذمہ واری اِنت۔ شازیہ مرری ءَ شہید،غازی ءُ آہانی کھول ءِ مردم آناں سلام ءُ دروت کنان ءَ دعا کتگ کہ اللہ تعالیٰ پاکستان ءَ مدام امن ءُ ایمنی ءُ دیمروئی بہ دنت۔