دیمپان ءُ شہیدانی روچ ءَ آزات کشمیر ءِ مردم پاک فوج ءِ شہید ءُ غازی آناں  توسیپ ءُ ستا

اسلام آباد۔6ستمبر  (اے پی پی): آزات کشمیر ءِ جتا جتائیں تبک ءِ مردماں دیمپانی ءُ شہیدانی روچ ءِ درگت ءَ پاک اُرد ءِ شہید ءُ غازی آناں توسیپ ءُ ستا پیش کت۔ دیمپان ءِ روچ ءَ الس ءَ گوشت کہ شہید آناں سلام انت کہ آہاں ملک ءِ مردم آنی واستہ وتی سر ندر کتگ انت ءُ آجوئی ءُ ایمانداری ءَ را دل یکیمی کتگ انت۔ لاہور ءَ بگر داں چونڈہ ءَ سپاھیگانی دژمن ءِ دیم ءَ بہادری ءُ مڑائی مئے راجی راجدپتر ءِ یک رژنائیں بابے ۔ الس ءَ گشتگ کہ میجر راجہ عزیز بھٹی شہید ءُ ایم ایم عالم ءِ وڑیں زھگانی قربانی نوکیں نسل ءِ واستہ ہمت ءِ مثال انت ۔ آہاں گوشت کہ راستی ءِ جنگ ءَ اے گپ ھم ثابت کت کہ پاکستان وتی حاکمیت ءُ دیمپان ءِ واستہ ھچ وڑیں زور ءِ دیم ءَ جھکگ ءَ نہ انت۔ آہاں گوشت کہ دیمپان ءُ شہیدانی روچ مارا راجی یکوئی ءُ ذمہ واری ءِ سبق ءَ دنت، ایشی ءَ را گیش مھکم کنگ لوٹیت۔ الس ءَ گوشت کہ مکہ ءِ یکجائی دیمپانی معاہدہ دیمپان، اجتماعی ایمنی، ءُ دمگی امن ءِ تہ ءَ پاکستان ءِ ھاسیں کرد ءِ علامت اِنت۔ آزات کشمیر ءِ ورنا آں ھم وتی اے جزم ءِ پدرائی کت کہ آ مدام پاکستان ءِ ایمنی، وت واجہی ءُ راجی یکوئی ءَ را اولیت ءَ بہ دنت۔ دیمپان ءُ شہیدانی روچ ءِ درگت ءَ سرجمیں راج ءَ اے سوگند کت کہ شہیدانی مزنیں قربانی آں کدی شموشگ نہ بیت۔