1965 ءِ شہیدانی مزنیں قربانی مئے واستہ یک مقدسیں امانت انت، کہ آئی ءِ رکھینگ ءَ فوج ساڑی انت، قوم ءَ را بلوچستان ءَ پاک فوج ءِ سپاھیگانی ھاسیں کلوہ

اسلام آباد۔6ستمبر  (اے پی پی): بلوچستان ءَ ماتیں گلزمین ءِ رکھینگ ءَ پاکستان آرمی ءِ سپاھیگاں دیمپانی روچ ءِ درگت ءَ راج ءَ را ھاسیں کلوہ ءِ شنگ کتگ ءُ گْوشتگ کہ 1965 ءِ شہید انی مزنیں قربانی مئے واستہ یک مقدسیں امانت یے، کہ آئی ءِ رکھینگ ءَ فوج ساڑی اِنت۔ بلوچستان ءَ دژمن ءِ نا شریں ارادہ آناں ھلاس کنوکیں پاک فوج ءِ سپاھیگاں دیمپانی روچ ءِ موہ ءَ وطن ءِ رکھینگ ءِ وتی جزم ءِ پدا زور دات ءُ گوشت کہ راج پریشان مہ بیت پرچا کہ پاک فوج ہر گرانیں ساھت ءَ پاکستان ءِ رکھینگ ءِ واستہ مدام ھوشیار اِنت۔ پاک فوج ءِ سپاھیگاں گوشت کہ پاکستان ایوک ءَ زمین ءِ نہ اِنت بلکیں مئے پجار اِنت کہ ایشی ءِ رکھینگ مئے پرز اِنت۔ آئی ءَ گوشت کہ ما ھچبر نہ ترسیں، نہ جھک ایں ءُ پاکیں مٹی ءِ رکھینگ ءِ واستہ وتی جان ءِ قربان کنگ ءَ چک ءُ پد نہ بئیں۔ چہ 1965 ءَ بگر داں مرچیگیں فتنہ الهندستان ءِ ترغیب ءَ پاکستانی لشکر ءَ مدام دژمن ءَ را لائکیں پسو داتگ ءُ وطن ءِ دیمپان کتگ۔ 1965 ءِ شہیدانی قربانی مارا یات ءَ دنت کہ اگاں راج ءُ فوج یک مشت بہ بنت گڈا پاکستان ءَ ہچ وڑیں طاقت شکست دات نہ کنت۔ بلوچستان ءَ ساڑییں پاک فوج ءِ سپاھیگاں ھم ملک ءِ یکوئی ءِ واستہ ھچ وڑیں قربانی ءِ دیگ ءَ چہ چک ءُ پد نہ بوھگ ءِ وتی جزم ءِ پدا زور دات۔