نیشن دیمپان ءِ روچ ءَ وتی شہید ءُ غازی آنی  شگر ءُ منت وار انت ڈاکٹر طارق فضل چوہدری

اسلام آباد۔6ستمبر  (اے پی پی): وفاقی وزیر برائے پارلیمانی کار ڈاکٹر طارق فضل چوہدری ءَ گوشت کہ پاکستان ءِ دیمپانی روچ ءِ موہ ءَ سرجمیں راج وتی شہید  ءُ  غازی  آناں شگر ءُ منت ءَ پیش کنت۔ شش ستمبر مئے راجی راجدپتر ءِ ہما رژنائیں باب اِنت کہ پاکستان ءِ راج ءُ سلاہ بندیں اُرداں بے دروریں یکوئی، جزم، دلیری ءُ راج دوستی ءِ درشان ءَ دژمن ءِ بدیں منصوبہ ناکام کتگ اَنت۔ یک شمبے ءِ روچ ءَ دیمپان ءُ شہیدانی روچ ءِ درگت ءَ سوشل نیٹ ورک ویب سائٹ ایکس ءِ سر ءَ وتی پوسٹ ءِ تہ ءَ وفاقی وزیر ءَ گوشت کہ مئے شہید  آنی ابدمانیں قربانی راجی دیمپان، ایمنی ءُ وت واجہی ءِ ضمانت انت۔ سرجمیں راج ءَ را پاک فوج ءِ بہادری، جنگی زانت ءُ قربانی ءِ سر ءَ پھر اِنت۔ آئی ءَ گوشت کہ اے روچ ءَ مارا یکوئی، ایمان ءُ نظم ءُ ضبط ءَ را وتی شعار جوڑ کنان ءَ پاکستان ءَ را گیش مھکم، مھکم ءُ وشھال جوڑ کنگ ءِ عہد کنگی اِنت۔ ءُ ما ایشی ءَ دیمروئی کتگیں ملکے جوڑ کن ایں، مہکمیں پاکستان شہیدانی قربانیانی شرتریں بدل انت۔ ڈاکٹر طارق فضل چوہدری ءَ گشتگ کہ پاکستان ءِ ایمنی ، حاکمی ءُ دیمپان ءِ بابت ءَ ہچ وڑیں مصالحت نہ بیت۔ پوسٹ ءِ گڈسرا آئی ءَ راجی بیرک ءِ اکس شیئر کتگ ءُ نبشتہ کتگ کہ پاکستان زندگ بات!، "پاک آرمی زندگ بات!”۔