شش ستمبر راجدپتر ءِ تہ ءَ یک یاتگاریں روچے، راج ءَ سلاہ بندیں اُرد ءِ ھمراھی ءَ وطن ءِ دیمپان ءُ وتی حاکمیت ءِ رکھینگ ءِ جزم ءِ درشانی کت، وفاقی کانود ءِ وزیر

اسلام آباد۔6ستمبر  (اے پی پی): کانود ءُ انصاف ءِ وفاقی وزیر انصاف اعظم نذیر تراڑ ءَ دیمپان ءُ شہید ءِ روچ ءِ موہ ء پاکستان ءِ سلاہ بندیں اُرد، شہید ءُ غازی آناں یاتگاری ءِ درشان کنان ءَ گوشت کہ 6 ستمبر مئے راجی راجدپتر ءِ یک یاتگاریں روچ اِنت کہ سرجمیں راج ءَ وتی ارد  ءِ توسیپ  ءُ   راجی حاکمیت ءِ سرا زور دنت۔ وزارت ءِ کانود ءُ انصاف ءِ نیمگ ءَ چہ جاڑی بوتگیں ھاسیں کلوہ ءِ تہ ءَ وفاقی وزیر ءَ گوشت کہ 1965 ءِ جنگ ءِ وھد ءَ پاکستان ءِ سلاہ بندیں اُرد آنی افسر ءُ مردین آناں بے دروریں دلیری، جزم ءُ بہادری ءِ درشان کتگ۔ شہیدانی مزنیں کُربانی ءُ غازیانی بہادری مئے راجی راجدپتر ءِ تہا فراموش نہ بوؤکیں بابے انت۔ آئی ءَ گوشت کہ سرجمیں راج ھما شہید  آنی یات ءَ بہ کنت کہ آھاں وطن ءِ رکھینگ ءِ واستہ وتی سر ندر کتگ اَنت۔ ما گوں مھر ءُ شرپ ءَ یات کنیں ءُ شہید انی کھول ءِ قربانی، دلیری ءُ مزن جگری  ءَ ھم یات کنیں۔ پاک اُرد ءِ سروک نذیر ترار ءَ گوشت کہ مرچی ھم پاکستان ءِ سلاہ بندیں اُرد ملک ءِ ایمنی، حاکمیت ءُ دیمپان ءِ واستہ سرجمیں جزم ءِ گوما وتی ذمہ واری ءَ پیلو کنگ ءَ انت۔ ملک ءِ دیمپان ءِ واستہ استیں فوجی سروکی ءُ پاکستانی سلاہ بندیں اُرد ءِ شور ءُ سلاہ ءُ ازمت ستا کرز انت۔ وفاقی وزیر ءَ گوشت کہ پاکستان امن دوستیں ملک اِنت ءُ پڑ ءَ برجمیں امن ءِ واستہ گپ ءُ تران ءُ سفارتی چینل آنی واستہ پچ اِنت، البت سرجمیں راج ملک ءِ ایمنی، وت واجہی ءُ پڑ ءِ برجائی ءِ رکھینگ ءِ واستہ یکجائی ءُ جزم اِنت۔ آئی ءَ گوشت کہ راجی یکوئی، جمہوری ارزشت، کانود ءِ حکمرانی ءُ مھکمیں ادارگ پاکستان ءِ دیمروئی، برجائی ءُ وشھالی ءِ بنیات اَنت۔ شہیدانی قربانی آں چہ رھشونی زورگ ءَ مارا یک مھکمیں، آباد ءُ مھکمیں پاکستان ءِ دیمروئی ءِ واستہ وتی کرد ءَ پیلو کنگی اِنت۔ وفاقی وزیر ءَ شہید آنی مزنیں بستار ءِ توسیپ کتگ، آئی ءَ غازی آنی سلامتی ءُ پاکستان ءِ دیمروئی، وشھالی، امن ءُ ایمنی ءِ واستہ ھم دعا کتگ۔