ادارُکی صدر ءِ مملکت ءَ خیبر پختونخوا ءَ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءِ توسیپ

اسلام آباد۔6ستمبر  (اے پی پی): ادارُکی صدر سید یوسف رضا گیلانی  ءَ خیبر پختونخوا ءَ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءِ توسیپ کتگ۔ یک شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ ادارُکی صدر ءَ گوشت کہ پاکستان ءُ اوگانستان ءِ سیم سر ءَ ناشرکار آنی پترگ  ءِ کوشست آناں جوانیں رنگ ءَ ناکام کنگ سیکورٹی فورسز آنی تیاری ءِ ثبوت اِنت۔ آئی ءَ گوشت کہ درملکی سرپرستی ءَ ناشرکاری ءِ ھلاپ ءَ کنگ بوھوکیں آپریشن "عزم استحکام” ءِ چیر دستی ءَ برجاہ بنت۔ سید  یوسف رضا گیلانی  ءَ گوشت کہ ملک ءَ درملکی سرپرستی ءَ بوھوکیں ناشرکاری ءِ سرجمیں ھلاسی ءِ واستہ سرجمیں راج سیکورٹی فورسز ءِ ھمراھی ءَ اوشتاتگ۔