صدر ءِ مملکت ءَ خیبر پختونخوا ءِ جتا جتائیں دمگاں خوارج ءِ کوش ءِ پد ءَ سیکورٹی فورسز ءَ را مبارک بات

اسلام آباد۔6ستمبر  (اے پی پی): خیبر پختونخوا ءِ جتا جتائیں دمگاں خوارج ءِ کوش ءِ پد ءَ صدر آصف علی زرداری ءَ سیکورٹی اُرداں مبارک بات داتگ۔ یک شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ پاکستان ءُ اوگانستان ءِ سیم سر ءَ ھوار بوھگ ءِ کوشست کنوکیں خوارج آنی ھلاپ ءَ سیکورٹی فورسز ءِ نیمگ ءَ جوانیں ءُ وھد ءِ سر ءَ کارروائی ءَ را ساڑات ءُ جوانیں ءُ وھد ءِ سر ءَ کارروائی ءِ سر ءَ دل یکیمی ءِ درشان کت۔ صدر ءِ مملکت ءَ گوشت کہ برمی آنی کمک ءَ کار کنوکیں ناشرکاریں عناصر آنی نا شریں ارادہ ھر گامگیج ءَ ناکام کنگ بنت۔ آئی ءَ گوشت کہ پاکستان ءِ سیم سر آنی رکھینگ ءُ ناشرکاری ءَ را سرجمی ءَ ھلاس کنگ اولی ترجی انت۔ صدر ءَ اوگانستان ءِ ادارُکی حکومت ءَ را زور پر دات کہ آ وتی سرزمین ءَ را ناشرکاری ءِ واستہ کارمرد کنگ ءَ چہ بہ رکّینیت۔