منصوبہ بندی ءِ وفاقی وزیر احسن اقبال ءَ نوکیں صوبہانی  ھوالگ ءَ بیان ءِ ھوالگ  ءَ تران

اسلام آباد۔5ستمبر  (اے پی پی): منصوبگ بندی ءِ وفاقی وزیر احسن اقبال ءَ گوشت کہ راجی دیمروئی ءِ عمل ءَ را ترند کنگ ءِ واستہ مارا زوتاں چہ زوت انسانی وسائل ءُ چاگردی شوبگ آنی تہ ءَ وتی نزوری آنی سر ءَ چہ دیم ءَ رؤگ ءِ ضلورت اِنت۔ اے شوبگ آنی تہ ءَ مزنیں گہتری ءِ ھست نہ بوھگ ءَ مئے دیمروئی ءِ مول ءُ مراد سرجم کنگ نہ بنت۔ وزارت منصوبہ بندی ءِ نیمگ ءَ چہ جاڑی بوتگیں توجیلی بیان ءِ تہ ءَ وفاقی وزیر احسن اقبال ءَ گوشت کہ گوستگیں پانزدہ سال آنی تہ ءَ پاکستان ءِ یکجاھیں چاگردی ءُ انسانی وسیلگ آنی اشاریہ آنی تہ ءَ مدام کمی ءِ جاور ھال بوتگ اَنت، ایشی ءِ تہ ءَ مزنیں گہتری ءِ ھست نہ بوتگ کہ ایشی ءِ تہ ءَ مئے دیمروئی ءِ مول ءُ مراد سرجم کنگ نہ بنت۔ چاگردی پڑ ءَ مئے نا شریں کارکردگی ءِ مستریں سبب ھژدہمی ترمیم ءَ پد اختیارات ءُ وسیلگ آنی تہ ءَ چہ جہلیں تک ءَ دیم دیگ نہ بوھگ ءُ صوبائی تک ءَ اختیارات آنی مرکزیت کنگ اِنت۔ راجی دیمروئی ءِ عمل ءَ را ترند کنگ ءِ ھاتر ءَ مارا انسانی وسیلگ ءُ چاگردی شعبہ آنی تہ ءَ وتی نزوری آنی سر ءَ سک ترندیں رفتار ءَ چہ دیم ءَ رؤگ لوٹ ایت۔ اے درگت ءَ ملک ءِ دیم ءَ دو آپشن است انت ۔ اولی راہ ایش انت کہ 160 ضلع آنی تہ ءَ بااختیاریں بنجاہی حکومت جوڑ کنگ بہ بنت کہ آ چہ صوبائی مالیاتی کمیشن آنی نیمگ ءَ چہ مستقیم ءَ وسیلہ ءِ وسیلگ ءَ یا تپاکی ءِ رد ءَ 12 یا 15 نوکیں صوبہ آنی وسیلگ ءَ رسگ ءَ انت، پرچا کہ انوگیں انتظامی ڈھانچہ 260 ملین ءِ آبادی ءَ گوں اوورلوڈ بوتگ۔ آئی ءَ گیش گوشت کہ 160 ضلعی حکومت آنی جوڑ کنگ وھد ءِ ضلورت انت تانکہ اختیارات گراس روٹ تک ءَ سر کنگ بہ بنت ءُ پد منتگیں دمگ آنی تہ ءَ دیمروئی ممکن بہ بیت۔ آئی ءَ گوشت کہ کجام ھم شوبگ ءَ آسراتی منصوبگ آنی جوانیں رنگ ءَ سرجمی ءُ آوانی لوکل مانیٹرنگ ءِ سر ءَ بندوک اِنت۔ سرجمیں ملک ءَ اختیارات الس ءِ دروازگ ءَ دیم دیگ بوھگ ءَ انت دانکہ سروس ڈیلیوری ءَ را الس ءِ نزیک کنگ بہ بیت، وھدے کہ ما اے رد ءَ ھچ وڑیں موثریں گامگیج چست نہ کتگ۔ احسن اقبال ءَ اے گپ پدر کت کہ داں وھدے کہ اختیارات لس مھلوک ءِ تک ءَ دیم دیگ نہ بنت، راجی جیڈھ آنی پائیداریں گیواری ممکن نہ انت۔ آئی ءَ گوشت کہ کجام ھم انتظامی ڈھانچہ ءِ سوبمندی ءِ بن ھشت آئی ءِ وت مہ وتی بدلی ءُ بدل بوھوکیں جاور آنی گوما اصلاحات ءِ سر ءَ بندوک اِنت۔ یک نظامے کہ جامد بہ بیت آ چہ وتی جاہ ءَ کپیت۔ ملک ءِ تہا انتظامی ڈھانچہ ءِ سرا بحث ملک ءِ دیمروی ءِ لوٹانی رژنائی ءَ چہ سیاسی مفاداں چہ در کنگ بہ بیت ءُ سیاست دان وت ایشی ءَ دیما برگ بہ بنت۔