نائب مزن وزیر ءُ وزیر ءِ درئی کار سینیٹر  محمد اسحاق ڈار ءَ سیف  گیمز ءِ تاریخانی بابت ءَ سٹیئرنگ کمیٹی ءِ دیوان ءِ  سروکی

اسلام آباد۔5ستمبر  (اے پی پی): نائب مزن وزیر ءُ دری کارانی وزیر سینیٹر  محمد اسحاق ڈار ءَ سیف گیمز ءِ تاریخ آنی ھوالگ ءَ سٹیئرنگ کمیٹی ءِ دیوان ءِ سروکی ءَ کت۔ شمبے ءِ روچ ءَ دری کارانی کارگس ءِ رد ءَ سفر گیمز ءِ روچ 4 اپریل ءَ بگر داں 11 اپریل 2027 ءَ گوں جنوبی ایشیائی اولمپک کمیٹی ءِ شور ءُ سلاھ ءَ ٹھینگ بوتگ اَنت۔ دیوان ءَ راجی کوآرڈینیٹر ءِ گچین کنگ ءِ ھم منظوری دیگ بوتگ، وھدیکہ سٹیئرنگ، آرگنائزنگ ءُ صوبائی کمیٹی آنی جوڑ کنگ ءِ ھم منظوری دیگ بوتگ۔ کل 28 کھیڈ برجم دارگ بنت کہ ایشی ءِ تہ ءَ 6ہزار ءَ چہ گیش کھڈکار ءُ کارندہ آنی بھر زوری ءِ گمان اِنت۔ گیمز اسلام آباد، پنجاب ءُ خیبر پختونخوا ءَ بنت۔ نائب مزن وزیر ءَ سیادی داروکیں واکدار آناں ہدایت کت کہ آ وت مہ وتی رابطہ کاری ءَ را کارآمد جوڑ بہ کن اَنت، لیب آنی واستہ جاگہ ​​آنی گچین کاری ءَ را وھد ءِ سر ءَ سرجم بہ کن اَنت ءُ لیب آنی سوبمندیں برجائی ءِ واستہ برزیں معیار آناں دل یکیمی بہ کن اَنت۔ آئی ءَ سٹیئرنگ کمیٹی ءَ را ھم ہدایت کت کہ آ ماہانہ دیوان بہ کنت تانکہ پیشرفت ءِ چار ءُ تپاسی بہ بیت۔ گند ءُ نند ءَ مزن وزیر ءِ ڈائریکٹر برائے صوبائی رابطہ کاری، مزن وزیر ءِ ھاسیں کمکار طارق باجوہ، سیکرٹری آئی پی سی، صوبائی حکومت آنی نمائندگ ءُ وفاقی ءُ صوبائی حکومت ءِ مزنیں کارندہ آں شریک کت۔