نائب مزن وزیر ءُ دری کارانی وزیر سینیٹر  اسحاق ڈار ءَ جنیوا ءَ اقوام متحدہ ءِ دیم ءَ پاکستان ءِ نمائندہ ءَ گوں گند ءُ نند

اسلام آباد۔5ستمبر  (اے پی پی): نائب مزن وزیر ءُ درئی کارانی وزیر سینیٹر  اسحاق ڈار ءَ جنیوا ءَ اقوام متحدہ ءِ تہ ءَ پاکستان ءِ نمائندہ طاہر حسنہ اندرابی ءَ گوں گند ءُ نند کت۔ شمبے ءِ روچ ءَ دری کارانی کارگس ءِ رد ءَ نائب مزن وزیر ءَ وزارت ءِ درئی کار ءِ وزیر طاہر حسنہ آندرابی ءِ جوانیں ھزمت آناں ھاسیں رنگ ءَ درئی کارانی کارگس ءِ جارکش ءُ ایڈیشنل سیکرٹریٹ اے سی ڈی آئی ایس ءِ کار ءُ کرد ءِ ساڑات کت۔ آئی ءَ وزارت ءِ درئی کار ءِ اسٹریٹجک کمیونیکیشن ءَ را مھکم کنگ ءِ واستہ طاہر حسنی آندرابی ءِ موثر کرد ءَ را ھم ساڑات۔ نائب مزن وزیر ءَ دل یکیمی ءِ درشان کت کہ آ پڑ ءَ پاکستان ءِ مفاد آناں دیم ءَ برگ ءُ کثیر نیمگی سفارتی سیادی ءَ را مھکم کنگ ءِ واستہ وتی کرد ءَ را برجاہ دار ایت، ایشی ءِ تہ ءَ پاکستان ءِ اقوام متحدہ ءِ بے سلاہ کنگ ءِ کانفرنس ءِ برجاھیں صدارت ھم ھوار اِنت۔ آئی ءَ طاہرحسن آندرابی ءِ نوکیں زمہ واری آنی تہ ءَ کامیابی ءِ واستہ دل ءِ تہ ءَ چہ واھشت آنی درشان کت۔