نائب مزن وزیر محمد اسحاق ڈار ءَ مزن وزیر ءِ نیمگ ءَ جوڑ کتگیں کمیٹی ءِ دیوان ءِ سروکی ءَ وفاقی حکومت ءِ بھرتی ءِ رہبند ءُ رہبند / بھرتی ءِ پالیشی ءِ رپورٹ ءِ چار ءُ تپاسی

اسلام آباد۔5ستمبر  (اے پی پی):وفاقی حکومت ءِ بھرتی ءِ رہبند ءُ کار رپک / بھرتی ءِ پالیشی ءِ بابت ءَ رپورٹ ءِ چار ءُ تپاسی ءِ واستہ مزن وزیر ءِ نیمگ ءَ جوڑ کتگیں کمیٹی ءَ نائب مزن وزیر ءُ درئی کارانی وزیر محمد اسحاق ءِ سروکی ءَ دیوان کت۔ نائب مزن وزیر ءِ کارگس ءِ نیمگ ءَ چہ جاڑی بوتگیں بیان ءِ رد ءَ کمیٹی ءَ وفاقی حکومت ءَ بھرتی ءِ عمل ءَ را نوک ءُ آسان کنگ ءِ ھاترا چست کتگیں گامگیج آنی سر ءَ چار ءُ تپاسی کتگ ایشی ءِ مول ءُ مراد گیش شفافیت، جوانیں کارکردگی، ھالیگیں پوسٹ آنی تہ ءَ ترندیں بھرتی ءُ دستی کارروائی ءُ دستی مداخلت ءِ سر ءَ بڈوئی ءَ را کم کنگ اِنت۔ کمیٹی ءَ وفاقی حکومت ءِ تہا بھرتی ءِ نظام ءَ را نوک کنگ ءُ آسان کنگ ءِ ھاتر ءَ چست کتگیں گامگیج آنی سر ءَ چار ءُ تپاسی کتگ۔ دیوان ءِ تہ ءَ بھرتی ءِ عمل ءَ را گیش شفاف ءُ موثر جوڑ کنگ، ھالیگیں پوسٹ آناں زوت پُر کنگ ءُ دستی کارروائی ءُ غیر ضروری مداخلت آنی سر ءَ انحصار ءَ را کم کنگ ءِ سر ءَ دلگوشی دیگ بیت۔ نائب مزن وزیر ءَ گوشت کہ شفاف، آسان ءُ ٹیکنالوجی ءِ بنیات ءَ بھرتی ءِ نظام ءِ ضلورت اِنت کہ مزن وزیر ءِ دیمروئی گورننس، مارکیٹ ءِ بنیات ءَ بھرتی ءُ ادارگی اصلاحات ءِ وژن ءِ رد ءَ بہ بیت۔ گند ءُ نند ءَ مزن وزیر ءِ ھاسیں کمکار طارق باجوہ ، سیکرٹری کابینہ ءُ اسٹیبلشمنٹ ڈویژن ءِ ھوار کابینہ ڈویژن ءُ کانود ءُ انصاف ڈویژن ءِ مزنیں کارندہ آں شریک بوتگ ۔