نائب مزن وزیر اسحاق ڈار ءَ بجلی ءِ شوبگ ءَ پیش کرتگیں گہتری کار آنی  سر ءَ چار ءُ تپاسی ءِ واستہ کمیٹی ءِ دیوان ءِ سروکی

اسلام آباد۔5ستمبر  (اے پی پی): نائب مزن وزیر ءُ درئی کارانی وزیر محمد اسحاق ڈار ءَ بجلی ءِ شوبگ ءَ پیش کرتگیں گہتری کار آنی   سر ءَ چار ءُ تپاسی ءِ واستہ مزن وزیر ءِ نیمگ ءَ جوڑ کتگیں کمیٹی ءِ دیوان ءِ سروکی ءَ کت۔ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ دیوان ءَ بجلی ءِ شوبگ ءَ اصلاحات ءُ نجکاری ءِ ایجنڈا ءِ سر ءَ پیشرفت ءِ سر ءَ چار ءُ تپاسی کنگ بیت ایشی ءِ تہ کلیدی ادارگ آناں مھکم کنگ ءُ آھانی گنجائش ءَ را گیش کنگ ھوار اِنت۔ نائب مزن وزیر ءَ اے موہ ءِ سر ءَ گوشت کہ آیوکیں کارروائی ءِ رھبند ءَ را کسٹومر آناں ھیال داری ءَ گوں جوڑ کنگ بہ بیت تانکہ جاری اصلاحات ءُ نجکاری ءِ آسر ءَ بجلی ءِ صارف آنی واستہ گیش کارکردگی، پیداواری ءُ گہتریں آسراتی پیداک کنگ بہ بیت۔ اسحاق ڈار ءَ بجلی ءِ شوبگ ءِ ٹھوس آسراتی، ادارگی تاثیر ءُ دراجیں مدتی برجائی ءِ سر ءَ مھکمیں دلگوشی ءِ گوما اصلاحات ءِ عمل ءَ را دیم ءَ برگ ءِ ارزشت ءِ سر ءَ زور پر دات۔ گند ءُ نند ءِ تہ ءَ وزیر ءِ توان، وزیر ءِ اقتصادی کار، مزن وزیر ءِ ھاسیں کمکار طارق باجوہ، کابینہ ءُ بجلی ڈویژن ءِ سیکرٹری، نیشنل کوآرڈینیٹر این سی ایم سی ءُ وفاقی ءُ صوبائی حکومت ءِ مزن مزنیں کارندہ آں بھر زوری کت۔