کشاری برآمدات آتیٹی ودکی زرگزرانی وتواجہی کن المی ءِ، احسن اقبال

اسلام آباد۔ 04 ستمبر (اے پی پی)بنجائی وزیرڈٹ بندی، شونداری و خصوصی گام گیج پروفیسر احسن اقبال پارینے کہ پاکستان ءِ 2035 اسکان اسہ ٹریلین ڈالر نا زرگزران جوڑ مننگ کن برآمدات آتیٹی نمان ودکی کروئی مریک، وخت اس کہ زرگزرانی وتواجہی نا دوئیکننگ کن برآمدی بشخ ءِ پوسکن آ خواست آتون ہم گرنچ کننگ المی ءِ۔ او دا خیال آتا درشانیءِ پاکستان نا کشاری برآمدات آن پبی فائدہ ہرفنگ نا بابت اڈ ہلوک آ گول میز کانفرنس آن تران کرسا کرے۔ احسن اقبال پارے کہ ’’اڑان پاکستان‘‘ نا ہدف آتا دوئیکننگ کن برآمدات آتیٹی ترندی اٹ ودکی المی ءِ۔ دنیا نا شونداری کروک آ ملک آک برآمدات ءِ ودفسا ہی پائیدار اقتصادی شونداری دوئی کریر، وخت اس کہ پاکستان نا برآمدات آتیٹی درکارودکیمفننگ زرگزرانی تنکی نا بھلا سوب آتیٹی اوار ءِ ۔ بنجائی وزیر پارے کہ برآمدات آتیٹی خاطرخواہ ودکیمفننگ نا سوب آن پاکستان ءِ وار وار سنگت ملک و آئی ایم ایفتون رجوع کروئی تمک، ولے وار وار آئی ایم ایفآ ہِننگ زرگزرانی ویل آتا آخبتی ایسر اف۔ وام ہلسا زر مبادلہ نا گرج آتے پورو کننگ وختی ایسرءِ ، آخبتی درمان اف۔ او پارے کہ پاکستان ءِ 100 ارب ڈالر نا برآمدی ہدف نا کنڈ آ ہنوئی مریک،ایلو دروشم اٹی ملک زرگزرانی مشکلات آتاین آخبتی وڑاٹ پیش تمنگ کپک ۔ ورنا آبادی ءِ مون آ تخسا پاکستان ءِ 6 آن 8 درسد زرگزرانی شرح نمو دوئی کروئی مریک۔ احسن اقبال پارے کہ سیاسینزوری و پالیسی تا تسلسل اٹیکمتی پاکستان نا شونداری ءِ زہمی کرے۔ زرگزرانی شونداری کن کم از کم دہ سال اسکان پالیسی تا تسلسل المی ءِ۔ او پارے کہ وژن 2010 و وژن 2025 کون آ ڈٹ آک ہم پالیسی تسلسل مفننگ نا سوب آن درکار نتیجہ غاتے دوئی کننگ کتور۔ کشاری بشخ انا بابت بنجائی وزیر پارے کہ کشت وکشار پاکستان نا زرگزران نا مخ انا ملی ءِ ، ولے کشاری ملک مننگ آن پد ہم کشاری اجناس نا درآمد پاکستانکن بھلو المیہ اسے۔