پاکستان سخت مالیاتی، ساختی و انتظامی اصلاحات نا کمک اٹ مشکل زرگزرانی بحالی نا ریسہ ءِ سرسہبی اٹ عبور کرینے، وزیراعظم نا اے ڈی بی نا نائب صدر تون اوڑدہی ٹیگپ وتران

اسلام آباد۔ 04 ستمبر (اے پی پی)وزیراعظم محمد شہباز شریف مریس مدی زرگزرانی بدلی کن حکومت نا پبی عزم انا درشانی ءِ کرسا پارینے کہ انتظامیاڑاند آتے چٹفنگ کن خصوصی ٹاسک فورس آتا کمک اٹ گچین گام گیج کننگ انگ ءِ، پاکستان سخت مالیاتی، ساختی و انتظامی اصلاحات نا کمک اٹ مشکل زرگزرانی بحالی نا ریسہ ءِ سرسہبی اٹ عبور کرینے، دا اصلاحات آتیٹی ملکیزرگزران اٹی سوگوی بسنے، زرکار آتا پت بحال مس وخت اس کہ فچ، موڈیز و ایس اینڈ پی تون اوار جہانی کریڈٹ ریٹنگ ایجنسیک پاکستان کن سوگو زرگزرانی منظرنامہ نا درجہ بندیءِ کرینو۔ جمعہ نا دے آوزیراعظم آفس نا میڈیا ونگ آن جاری بیان نا رداٹ ایشین ڈویلپمنٹ بینک (اے ڈی بی) نا سویلی ،نیامی و دیکی ایشیا نا نائب صدر ینگ منگ یانگ وزیراعظم شہباز شریف تون اوڑدہی کرے۔ وزیراعظمینگ منگ یانگ نا اعزاز اٹ ناشتہ نا بست و بند کرے۔ اوڑدہی ٹی پاکستان و ایشیائی ترقیاتی بینک نا نیام اٹ کیہی دہائی تیا تالان شونداریشریداری نا جاچ ءِ ہلنگا و پوسکن کنٹری پارٹنرشپ سٹریٹیجی (سی پی ایس) 2026-2030 نا رداٹ اولیتی بشخ آتیٹی گام گیج آتیاسجفنگا ۔ وزیراعظمینگ منگ یانگ نا دا حیثیت اٹ پاکستان نا اولیکو سرکاریدورہ غا خیرمقدمءِ کرسا پاکستان اٹ شاریبنداوی پنجر، ٹرانسپورٹ و السی خذمت آتا اہم ڈٹ آتا پوروی ٹی اے ڈی بی نا پدریسہ کسبی کارکڑد و وخت آ کمکاری نا ستاءِ کرے۔ وزیراعظم پارے کہ پاکستان سخت مالیاتی، ساختی و انتظامی اصلاحات نا کمک اٹ مشکل زرگزرانی بحالی نا ریسہ ءِ سرسہبی اٹ عبور کرینے، دا اصلاحات آتیٹی ملکیزرگزران اٹ سوگوی بسنے، زرکار آتا پت بحال مس ، وخت اس کہ فچ، موڈیز و ایس اینڈ پی تون اوار جہانی کریڈٹ ریٹنگایجنسیک پاکستان کن سوگوزرگزرانی منظرنامہ نا درجہ بندیءِ کرینو۔ او پارے کہمریس مدی زرگزرانی بدلی کن حکومت نا پبی عزم انا درشانی ءِ کرسا وزیراعظم پارے کہ انتظامیاڑاندآتے چٹفنگ کن خصوصی ٹاسک فورس آتاکمک اٹ گچین گام گیج کننگ انگ ءِ۔ اوڑدہی ٹی کراچی آن پشاور اسکان مین لائن-1 (ایم ایل-1) ریلوائی کوریڈور ءِ پوسکن آ وڑتیا اپ گریڈیشن آ خصوصی چکار کننگا ہرا قومیبنداوی پنجر نا اسہ اہم اولیت ءِ ۔ وزیراعظم شہباز شریف پارے کہ ایم ایل-1 نا اپ گریڈیشن مال برداری نا نظام ءِ پوسکن جوڑ کننگ، علاقائیواپاری رابطہ غاتے سوگو کننگ و بھلاصنعتی ڈٹ آتے مون آ دننگ کن بھاز اہم ءِ۔ اوڑدہی ٹی ایم ایل-1 ڈٹ آ زوت عملی کاریم نا بناءِ کننگ نا گرج آ ہم زور شاغنگاتانکہ بنداوی پنجرنا شونداری و ملک اٹ رابطہ غاتا نظام ءِ پوسکن جوڑ کننگ نا عمل ءِ ترند کننگ مرے۔ چندی بشخ آتیٹی کمکاری ءِ ودفنگ نا بابت اوڑدہی ٹی نجی بشخ و ایس ایم ایز نا کمک، توانائی و غذائیرکھ ، برآمد آتا مسابقتی لائخی ٹی ودکی، مصنوعی ذہانت و انفارمیشن ٹیکنالوجی نا بشخ آتیٹیاسیجائی کمکاری نا گمان تا جاچ ءِ ہلنگا۔ اوڑدہی نا ایسرآدا عزم انا درشانیءِ کننگا کہ کنٹری پارٹنرشپ سٹریٹیجی 2026-2030 نا اولیت آتے پبی و گچین گام گیج آتیٹی بدل کننگک ہرا کہ پائیدارزرگزرانی شونداری ءِ مون آ دننگ تون اوار اوارپاکستان نا الس نا زند انا آب اٹ نمان گچینی اتنگ اٹ کمکارمریک ۔