پاکستان کثیرالجہتی نظام و جہانیامور اٹی اقوام متحدہ نا گچین کڑد انا مخ تفی ءِ برجاء تخک، وزیراعظم شہباز شریف

اسلام آباد۔ 04 ستمبر (اے پی پی)وزیراعظم محمد شہباز شریف پارینے کہ پاکستان کثیرالجہتی نظام و جہانیامور اٹی اقوام متحدہ نا گچین کڑد انا پبی و آخبتی مخ تفی ءِ برجاء تخک، ساڑی آ جہانی چیلنجآتون مون تننگ کن اقوام متحدہ نا پلیٹ فارم و کثیرالجہتی کمک ءِ پین سوگو کننگ وخت انا اہم گرج ءِ ۔ وزیراعظم آفس نا میڈیا ونگ انا کنڈآن جاری بیان نا رداٹ دا خیال آتا درشانی ءِ او جمعہ نادے آ داڑے اقوام متحدہ نا سیکرٹری جنرل نا عہدہ غا اومیتدار سفیر اولارا اوتونو تون اوڑدہی نا وخت آ کرے، ہرا وزیراعظم تون داڑے اوڑدہی کرے۔ دا وخت آ یوگنڈا نا صدر نا خاص ایلچی و یوگنڈا نا مسکوہی وزیراعظم روہاکانا روگونڈا ہم اوڑتون اوار ئس ۔ اوڑدہی ٹی نائب وزیراعظم و وزیر خارجہ سینیٹر محمد اسحاق ڈار، وزیراعظم نا خاص کمکار طارق فاطمی و سیکرٹری خارجہ آمنہ بلوچ ئسک ہم ساڑی ئسر۔ اوڑدہی نا وخت آ وزیراعظم محمد شہباز شریف اقوام متحدہ نا منشور نا اصول و مسخت آتیان پاکستان نا پکاوابستگی نا درشانی ءِ کرے۔ وزیراعظم جہانی کانود و جہانی معاہدہ غاتا شرف ءِ پک جوڑ کننگ نا گرج آ ہم زور شاغا۔ وزیراعظم پارے کہ پاکستان کثیرالجہتی نظام و جہانیباندات آتیٹی اقوام متحدہ نا گچین کڑد انا پبی و آخبتی مخ تفی ءِ برجاء تخک۔ او دا ہیت آ زور شاغا کہ ساڑی آ جہانی چیلنجآتون مون تننگ کن اقوام متحدہ نا پلیٹ فارم و کثیرالجہتی کمک ءِ پین سوگو کننگ وخت انا اہم گرج ءِ ۔ وزیراعظم اومیت ظاہر کرے کہ اقوام متحدہ نا بروک آ سیکرٹری جنرل اقوام متحدہ نا مسہ بنداوی تمبہ امن و سلامتی، شونداری و انسانی حق آتیاباہم ومتوازن وڑ اٹ چکار تخک۔ اولارا اوتونو کثیرالجہتی نظام نا مون آ دننگ و اقوام متحدہ نا مسہ بنداوی تمبہ غاتیکن پاکستان نا متکن و نمان خذمت آتیا منت واری نا درشانیءِ کرے۔ او جہانی امن و سلامتی کن برجاکوشست آتیٹی پاکستان نا سرکڑدہ و اہم کڑد انا ہم ستاءِ کرے۔