لاہور۔ 04 ستمبر (اے پی پی)وزیرِ اعظم محمد شہباز شریف بلوچستان نا ضلع قلات اٹی فتنہ الہندوستان نا دہشت گرد آتا برخلاف سرسہب آپریشن آ سیکورٹیفورس آتا آفیسرو کارندہ غاتے خراجِ تحسین پیش کرینے، جمعہ نادے آوزیرِ اعظم آفس نا میڈیا ونگ آن جاری بیان نا رداٹ وزیرِ اعظم ضلع قلات اٹی فتنہ الہندوستان نا 12 دہشت گرد آتے خلنگ آ سیکورٹیفورس آتاکسبی لائخی و بہادری نا ستاءِ کرے۔ وزیرِ …
وزیرِ اعظم نا قلات اٹی فتنہ الہندوستان نا دہشت گرد آتا برخلاف سرسہب آپریشن آ سیکورٹیفورس آتے خراجِ تحسین
گیشتریں ھال
لاہور۔ 04 ستمبر (اے پی پی)وزیرِ اعظم محمد شہباز شریف بلوچستان نا ضلع قلات اٹی فتنہ الہندوستان نا دہشت گرد آتا برخلاف سرسہب آپریشن آ سیکورٹیفورس آتا آفیسرو کارندہ غاتے خراجِ تحسین پیش کرینے، جمعہ نادے آوزیرِ اعظم آفس نا میڈیا ونگ آن جاری بیان نا رداٹ وزیرِ اعظم ضلع قلات اٹی فتنہ الہندوستان نا 12 دہشت گرد آتے خلنگ آ سیکورٹیفورس آتاکسبی لائخی و بہادری نا ستاءِ کرے۔ وزیرِ اعظم پارے کہ دہشت گردی نا عفریت نا ملک آن پورو چٹفنگ اسکان اونا برخلاف جنگ ءِ برجا تخنہ ، سیکورٹیفورس آتاآفیسرو کارندہ غاک وطنِ عزیز نا امن ءِ نسخان تروک آ دہشت گرد آتا برخلاف گچین کارروائی کننگ اٹی ءُ۔ وزیرِ اعظم پارے کہ وطنِ عزیز نا رکھ انا بدل مفروک عزم اٹیکنتون اوار مچ آ قوم پاکستان نا فوج اتون اوار سلوک ءِ۔ دہشت گرد آتے بلوچستان نا امن ءِ بھس کننگ نا ناپاک عزم آتیٹی ہچ ءُ حالیت اسے ٹی سرسہب مننگ کن الیپنہ۔
