قلات و بھاگ کچھی ٹیسیکورٹی فورس، پولیس و اے ٹی ایف نا سرسہب کارروائی ستاءکڑزک، وزیراعلیٰ بلوچستان

کوئٹہ۔ 04 ستمبر (اے پی پی)وزیراعلیٰ بلوچستان میر سرفراز بگٹی قلات اٹیسیکورٹی فورس وخت اس کہ بھاگ کچھی ٹی بلوچستان پولیس و اے ٹی ایف نا سرسہب کارروائیتا ستاءِ کرسا پارینے کہ سیکیورٹی ادارہ غاتا وخت آ و گچین کارروائی امن دُشمن زموار آتا برخلاف ریاست نا سوگو عزم انا ڈیک ءِ ۔ وزیراعلیٰ ہاؤس آن تینا بیاناٹی وزیراعلیٰ بلوچستان پارے کہ بلوچستان نا امن کن سیکیورٹی فورسز، پولیس و اے ٹی ایف نا خذمت و قربانیک گمر نا قابل ءُ۔ بلوچستان پولیس و اے ٹی ایف بھاگ کچھی ٹی اسہ وار ولدا تیناکسبی لائخی تا درشانی ءِ کرینو۔ میر سرفراز بگٹی پارے کہ دہشت گرد زموارآک بلوچستان نا امن، شونداری و شونہالی ءِ نسخان تننگ اٹ وخت اس ہم سرسہب مفسہ ، دہشت گردی نا برخلاف جنگ مچ آ قوم انا اسیجائی جنگ ءِ و دا جنگ اٹ الس و ریاستی ادارہ غاک یکجاءُ ۔ او پارے کہ حکومت امن دُشمن زموارآتا برخلاف زیرو ٹالرنس نا پالیسی آ عمل کننگ ءِ و دہشت گردی نا پورو چٹفنگ اسکان کارروائیک برجاسلرہ ۔ ریاست نا رٹ ءِ چیلنج کروک آزموار آتون ہچ ءُ رعایت اس کننگپک۔ وزیراعلیٰ بلوچستان قلات و بھاگ کچھی نا کارروائی تیٹی بشخ ہلوک آآفیسر وورناتے خراجِ تحسین پیش کرسا پارے کہ قوم تینا بہادر سیکیورٹی کارندہ غاتا قربانی و خذمت آتے قدر انا نظر اٹ ہرک۔