نارووال اٹی ہندو مندر نا بابت بھارتی وزارتِ خارجہ نا داواک من گھڑت پروپیگنڈہ ءُ، ترجمان دفترِ خارجہ

اسلام آباد۔ 04 ستمبر (اے پی پی)پاکستان نارووال اٹی ہندو مندر نا بابت بھارتی وزارتِ خارجہ نا دروغ و سیاسی مسخت آ تیاتالان داوا تے پورو وڑ اٹ مسترد کرسا پارینے کہ اودے من گھڑت پروپیگنڈہگوندانے۔ ترجمان دفترِ خارجہ سجاد حیدر خان جمعہ نادے آمیڈیا نا سوج آتا ورندی ٹی اڈا سراج نارووال اٹی ہندو مندر نا بابت بھارتی وزارتِ خارجہ نا بیان آ سخت ردعمل نا درشانی ءِ کرسا پارے کہ نن مندر نا بابت بھارتی وزارتِ خارجہ نا کنڈآن کننگوک آ دروغ و سیاسی مسخت آتیاتالان داواتے مسترد کینہ۔ ترجمان پارے کہ بھارت نا کنڈآن تالان مروک آ دروغ پروپیگنڈہنا برعکس مندر نا ماڑی ءِ 21 جولائی 2026 آ ترند پِر آتا سوب آن نسخان رسینگاسس۔ او پارے کہ ہندی کمامدارآک پِر آن مروک آ نسخان نا مہالو آن جاچ ءِ ہلکنو و ماڑی نا بحالی کن گام گیجنا بنا ءِ کننگانے۔ ترجمان پارے کہ دا ہیت شرم انا سوب ءِ کہ بھارت حقیقت آتے چپ پیش کننگ ءِ و اڑزآن برنج آتا سیبو ءِ ہلنگ ءِ۔ او پارے کہ حقیقت آتے دا وڑ دانستہ مسخ کننگ بھارت اٹی اقلیت آتا برخلاف منظم ظلم و ستم و اوفتا عبادت گاہ تیاریاستی سرپرستی ٹی مروک آ جلہو آتا بے کچ خراب ریکارڈ آن چکار ءِ اسہ کنڈ کننگ کپک۔ ترجمان پارے کہ دنیا ہندوتوا نظریہ غاتے اقلیت آتا برخلاف بطور سلہہ کاریم اٹ اتنگ آن جوانی اٹ معلومدارءِ و اودے بھارتی سرکڑدہ غاتے مسلم، سکھ و مسیحی برادری تا برخلاف برجاظلم و ستم نا جوابدہ تخنگ المی ءِ۔