بنجائی وزیر پارلیمانی امور نا قطبی وزیرستان اٹ دہشت گرد آتا برخلاف سرسہب و دلیری کارروائی آ سکیورٹیفورس آتے خراجِ تحسین

اسلام آباد۔ 03 ستمبر (اے پی پی)بنجائی وزیر پارلیمانی امور ڈاکٹر طارق فضل چوہدری قطبی وزیرستان اٹ دہشت گرد آتا برخلاف سکیورٹیفورس آتا سرسہب ودلیری کارروائی آ اوفتے خراج تحسین پیش کرینے ۔ پنچ شنبے نا دے آاسہ کلہو اسے ٹی او پارے کہ 36 گھنٹہ مروک آ آپریشناٹ 15 خوارج آتے دوزخی کننگ ننا سکیورٹیفورس آتا بے مثل بہادری،کسبی مہارت و دہشت گردی نا پورو چٹفنگ نا غیر متزلزل عزم انا پیدوار شاہدی ءِ ۔ او پارے کہ پاکستان نا بہادر فوج و کانود نافذ کروک آ ادارہ غاتا ورناک وطن نا امن کن تینا جان تے ندر کرینو ، مچ آ قوم تینا بہادر گلزادہ غاتون سلوک ءِ ۔ او پارے کہ وطن نا امن، سلامتی و سوگوی کن تننگوک آ قربانی تے اسُل است آن دننگپک۔