بنجائی وزیر داخلہ نا پاک اوغان سیم آ فتنۃ الہند وستان نا دہشت گرد آتا دراندازی ءِ بے سہب کننگ آ سکیورٹی فورس آتے خراجِ تحسین

اسلام آباد۔ 03 ستمبر (اے پی پی)بنجائی وزیر داخلہ محسن نقویقطبی وزیرستان نا خڑک پاک اوغان سیم آ فتنۃ الہندوستان نا دہشت گرد آتا دراندازی نا ناپاک کوشست ءِ بے سہب کننگ آ سکیورٹی فورس آتے شاندار لوز آتیٹی خراج تحسین پیش کرینے ۔ وزارت داخلہ نا کنڈآن جاری بیان نا رداٹ او فورس آتا مستعدی نا ستاءِ کرسا پارے کہ ورناک وخت آ و دلیرانہ کارروائی کرسا سیم انا کنڈآن پترینگوک 15 دہشت گرد آتے دوزخی کریر و دشمن نا ناپاک عزم آتے مش تا کریر ۔ محسن نقوی وطن عزیز نا دفاع ٹی مون آ مروک سکیورٹی فورس آتا بہادر گلزادہ غاتے سلام پیش کرسا پارے کہ قوم تینا بہادر ورناتاکسبی لائخی، عسکری حکمت عملی و بے مثال جیرت آ گمر کیک۔ او پارے کہ دہشت گرد زموار آک ملک انا امن ءِ خراب کننگ اٹ لگوک ءُ ولے پاک فوج و سکیورٹی ادارہ غاک سیم تیاسوگو ءُ دیوال اس جوڑ مرسا دشمن نا ناپاک ڈٹ آتے بے سہب کننگ ءُ۔ مچ آ قوم سکیورٹی فورس آتون ہم کوپہ سلوک ءِ۔